Ibi Oku Ma Jọn Anị Gịẹ Ḅara 15:4 - Ibani New Testament

⁴ Ọmịnị iḅụbie fịnị, ịrị ma sọ ọmịna ḅụbie fịnị. Anị ḅụ ngéré mgbọ́lụ sua bẹ sị ḅara ofori; anị grepụ árị́dii ma ḅụ fịnịgha fịnịgha. Anị gbẹ́rẹ́ ḅara ma ọmịnị ine sịịmgbọlụ suabịgha ọ ḅọ́rọ́ iḅụbie fịnịgha.

Ibi Oku Ma Jọn Anị Gịẹ Ḅara 15:4 Iomraidhean Croise

Matiu 12:33

<

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 14:20

Anị éné ma ḅụ onimiḅobẹm ḅẹẹ a i Daá ma bie imi, ọmịnị ma ibie imi, ịrị ma pịghị ọmịna bie imim.

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Ibi Oku Ma Jọn Anị Gịẹ Ḅara 6:56

Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu iḅụbie fịnị fịnịm, irịsọ n ḅo ḅụbie fịnị.

Ibi Oku Ma Jọn Anị Gịẹ Ḅara 8:31

Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

2 Kọrịntịapụ 13:5

Ọmịnị ọmịna ḅụ pa daádighi ma ḅụ sua ọ ḅẹ́rẹ́kọ ọmịna ḅụ pịrị, sị o nimi bẹ ḅara ọ ḅọ́rọ́ pa minini ma ḅụ duma kọọarị. Ọmịnị árịbẹm ḅẹ́ Jizọs Krais ọmịna bie ḅụ imii, ḅọ́rọ́ ọmịnị epeletigha tigha ḅẹ́ ọmịnị ọ ḅụ mininim.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 2:6

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

Hiburuapụ 10:39

Wamịnị pịghị ọḅụdada sị mú faá bẹ apụgha, tụ́ma wa minini nyánam si dụaḅọ́rọ́ma nyánáḅoo.

1 Jọn 2:6

Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.

2 Jọn 1:9

Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam.