Ibi Oku Ma Jọn Anị Gịẹ Ḅara 15:12 - Ibani New Testament

¹² Mịị anịị ị́yẹ́ ologho: ọ jụghọ jụghọ ḅẹlẹma a ọ ḅẹ́lẹ́mamaá ḅara.

Ibi Oku Ma Jọn Anị Gịẹ Ḅara 15:12 Iomraidhean Croise

Ibi Oku Ma Jọn Anị Gịẹ Ḅara 13:34

<<Ịwọ ologho anịị a pa ọ pịrịnyẹ: ọ jụghọ jụghọ ḅẹlẹma. A ọ ḅẹlẹma maá ḅara ma, ọmịnị sọ pịghị ọkọ pa jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 15:17

Mịị ị́yẹ́ ologho: ọ jụghọ jụghọ ḅẹlẹma.

Romapụ 12:10

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

1 Tẹsalonaikaapụ 4:9

Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

1 Jọn 3:23

Mịị anịị ọ tọ́ọ wa pịrị ólóghó, ḅẹ́ wamịnị ọ tụwọ Jizọs Krais minini, sị jụghọ jụghọ ḅẹlẹma, Krais tọ́ọ wa pịrị ḅara ma.

1 Jọn 4:21

Mịị Krais tọ́ọ wa pịrị ólóghó ḅẹ́ Tamuno ḅẹlẹma ḅọ gonyẹ́ gonyẹ́ pịghị amịna mị́naḅọ ḅẹ́lẹ́mabẹm.

2 Jọn 1:5

Anịgo, mị́sa ibi ọ́rụ́ḅọ, a ị tẹ́ghẹ̄m wamịnị kị́nị́mamgba jụghọ jụghọ ḅẹlẹma. Mịma ḅẹgha ḅẹ́ a jẹ́ ịwọ ólóghó gịẹ pa ọ fịrịmaarị, kụ́ma parị sa éné éné wa nimi ólóghó ma.