Ibi Oku Ma Jọn Anị Gịẹ Ḅara 10:4 - Ibani New Testament

⁴ Ori ọrẹ ánáná mamgba pághámaḅo fama sáá, ori tórúku sọ n pịrịm ánáná ma warị o dua, nnị ọ pụghọ nimim gosi.

Ibi Oku Ma Jọn Anị Gịẹ Ḅara 10:4 Iomraidhean Croise

Matiu 16:24

Anịsáa Jizọs warị dugho ori ọḅụduaapụ pịrị, <<Ḅọ́rọ́ i dua bẹḅọ fịnịfịnị, anịḅọ ma n ḅọ ḅụ pighibẹm sị n ḅọ mgbẹsẹ sị́ dighi akị sị i dua.

Ibi Oku Ma Jọn Anị Gịẹ Ḅara 10:16

A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ.

Ibi Oku Ma Jọn Anị Gịẹ Ḅara 10:27

Ị́yẹ́ ánáná i pụghọ pughu pughum; a n nimim, n pịghị i dua duam.

Ibi Oku Ma Jọn Anị Gịẹ Ḅara 10:3

Ḅụ́pọ́ kúrúḅọ ma opu ḅụ́pọ́ ma findi ọ pịrịpịrịm, ánáná ma pịghị ọ pụghọ naánam. Ori ẹ́rẹ́ pa ori ánáná sịsịm sị n daá págháma.

Ibi Oku Ma Jọn Anị Gịẹ Ḅara 10:5

Nnị igoniḅọ duabịgha; tụ́ma nnị ọ fịnịnga mangị sọbẹm tegó nnị igoniḅọ pụghọ lighilighiḅogha.>>

Ibi Oku Ma Jọn Anị Gịẹ Ḅara 10:8

Parị parị ḅoapụ mamgba anịị furuapụ na pịghị kụrọ pa nyẹ furuapụ, kụ́ma ánáná ma n bịpị pughugha.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Ibi Oku Ma Jọn Anị Gịẹ Ḅara 13:15

A anị kịkamanyẹ mịẹ pa ọ diemam, ọmịnị sọ a mịẹ ọ pịrịmaá ḅara ma mịẹbẹ ḅara.

Ibi Oku Ma Jọn Anị Gịẹ Ḅara 18:37

Paileti warị ọ gbíla, <> Jizọs pagharam, <<Ị karakáram dughoarị ḅẹ́ irị ámányánáḅọ anịgo nnị i yiim, anịgo a tuminikiri ma ḅom sị a karakáráma dugho págháma. Karakáráma ḅụ sẹapụ gonyẹ́ gonyẹ́ i pughu pughum.>>

Ibi Oku Ma Jọn Anị Gịẹ Ḅara 3:29

Ọ́rụ́ḅọ ma fịnị ọrụḅọyaḅọ ma pịrịm kụ́ma ọrụḅọyaḅọ ma nángwọ fịrịnwangị ọ pịrịarịḅọ ma ngása sẹ sị o pughu pughum, sị bieḅẹlẹ ori ọrụḅọyaḅọ ma pụghọ náa sáá. Mịị ị́yẹ́ bieḅẹlẹ ma ḅo furo bi ḅara.

1 Kọrịntịapụ 11:1

Ọmịnị i ḅụọ dua, irịsọ Krais ḅụọ duaarị ḅara.

Ẹ́fịsọsapụ 5:1

Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 6:20

Wámịna sịbị go Jizọs parị anị angaá ma sọmam si pịghị gbámásó igwagwaá áláḅọ sọ wa pịrị Melkịzedek igwagwaḅọ ma ḅara ḅụ.

1 Pita 2:21

Mịma sịbị go anịị Tamuno go ọ sị nyẹ ḅẹ́ Krais ọ ḅụgbọrụ tọ́rụ́siarị ọ pịrịm ọ pa ọ ḅarabie nyẹ dáwọ sị ọ ḅụọ dua.

1 Pita 4:1

Krais ojumẹnị ḅụ tọ́rụ́siarị ḅara, ọmịnị so ọmịna ḅụ mịẹ karakáráma warị anị gbẹ́rẹ́ ḅara ma, tegó ojumẹnị ma pa tọ́rụ́siarịmáa ḅo sii mịnị n ḅọ ḅụ kụrọ nyanagha.

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.