Ibi Oku Ma Jọn Anị Gịẹ Ḅara 1:16 - Ibani New Testament

¹⁶ Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la.

Ibi Oku Ma Jọn Anị Gịẹ Ḅara 1:16 Iomraidhean Croise

Matiu 13:12

Nyẹ́ nyánáḅọ gonyẹ́ gonyẹ́, n jẹ́nyẹ pa n ḅọ pịrịbẹm, anịḅọ ma pịghị mánámāná nyẹ nyánábẹm. Nyẹ́ nyánághaḅọ gonyẹ́ gonyẹ́, n ḅọ nyáná kálányẹ ma sọ nnị n ḅọ ḅarabie anị ákịbẹm.

Matiu 3:11

<

Matiu 3:14

Kụ́ma Jọn asọ dọ́ghụm ori okiki, ḅẹarị ḅẹẹ, <<Ịrị mingi pa i sara bẹ nakaragha ị́ i damaḅoo ḅẹẹ a mingi pa ị sara?>>

Ibi Oku Ma Luk Anị Gịẹ Ḅara 21:15

Tegó a kịrị níminyẹ na ẹ́gẹ́rẹ́ pa ọ pịrịbẹm sị ọmịna iruonaapụ ine dabịgha nyẹ anịgha pịghị anị pa epele nyẹ mịẹ.

Ibi Oku Ma Jọn Anị Gịẹ Ḅara 3:34

Tamuno fịrịmaḅọ ma Tamuno ẹ́gẹ́rẹ ma kọarị, ḅẹ́ Tamuno ẹ́kẹ́tọgha ḅara pa ori Tọ́ntọ́ Tẹ́mẹ́ ma pịrịarị.

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

Romapụ 8:9

Kụ́ma ịrị ị́ ị́yẹ́ ojumẹnị dugho ḅara pa duma kọgha, anịmanakaragha ị́ Tẹ́mẹ́ ma dugho ḅara pa duma kọm, ḅọ́rọ́ tụ́manyẹ ḅẹ́ Tamuno Tẹ́mẹ́ ma ọmịna biebẹ ngam. Krais Tẹ́mẹ́ ma nyánághaḅọ gonyẹ́ gonyẹ́ Krais tumḅọgha.

Ẹ́fịsọsapụ 1:23

Tamuno kubiri ogbo ma anịị Krais oju ma, Krais mịẹnyẹ sị anị káara. Krais ọ ḅụ gbọrụ anịị nyẹ mamgba mịẹsị anị káara nyẹ ngá mamgba ḅụ.

Ẹ́fịsọsapụ 3:19

Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.

Kolosiapụ 1:19

Anị Tamuno ḅụḅẹ́lẹm ḅẹ́ Tụwọ ma ori Tamuno fịnị ḅara mamgba nyáná.

Kolosiapụ 2:3

Ọ ḅụ anịị Tamuno opu níminyẹ na níminyẹ ngọ gonyẹ́ gonyẹ́ ḅọghu fịnịnyẹ.

1 Pita 1:11

Nnị warị ḅụ́kọ́rọ́ma dọghụ, sa ma láa bẹ sa, anị pịghị tọrọ́ pa ḅo bẹ. Mị́sa ma anị n ḅụ fịnị Krais Tẹ́mẹ́ ḅara tụ́ghụ́máarị, die pághámaarị Krais árị bẹ tọ́rụ́siarị pịghị anị dua bẹ ipine.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.