Ibi Oku Ma Jọn Anị Gịẹ Ḅara 1:13 - Ibani New Testament

¹³ Nnị Tamuno awọ sọgha túminị́ nna nyingi na nna daa awọ sọ ḅara, anịị gbẹ́rẹ́ daa yii awọ kụ́ma ori Tamuno ma anịị nna Daa.

Ibi Oku Ma Jọn Anị Gịẹ Ḅara 1:13 Iomraidhean Croise

Matiu 3:9

Ọ mịnị ọkọsima sị dugho ọ ḅụ pịrị ḅẹẹ, A dugho ọ́ pịrịm ḅẹ́ mịná dapịrị ma ḅụ Tamuno ine awọ tẹ́mẹ́ sághị Ebraham pịrịbẹm.

Ibi Oku Ma Jọn Anị Gịẹ Ḅara 3:3

Ori ọ págháraarị sáá, Jizọs dughom ḅẹẹ, <>

1 Kọrịntịapụ 3:6

Ịrị mgbọ́lụ ma dipim, Apọlọs mingi pa anị saram, kụ́ma Tamuno anị mịẹḅọ sị anị senị́ị́.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Taitọs 3:5

ọ wa duaḅọ́rọ́mam, ḅẹgha ḅẹ́ wa mịẹ ọ pịrị ibinyẹ gosi kụ́ma ori lolomakúkúbie ḅụ ḅọ́rọ́ ọ wa ḅọ́rọ́mam. Ọ wa duaḅọ́rọ́mam Tọ́ntọ́ Tẹ́mẹ́ ma ḅụ ḅọ́rọ́, sii ḅụ wa sịrị siḅọ sị ịwọma wa yii na pịghị ịwọ duma pa wa pịrị.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

1 Jọn 3:9

Tamuno tụ́wọ gonyẹ́ gonyẹ́ sámámgba siiamịẹnyẹ mịẹmịẹgha, tegó Tamuno ma fị́nị́ ḅára nna ḅụbie imi, Tamuno ma pịghị nna Daa gosi, nnị ine sámámgba ḅụ siinyẹ mịẹbịgha.

1 Jọn 4:7

Ị́yẹ́ ibi nangwọapụ, o ḅo wa jụghọ jụghọ ḅẹlẹma, tegó ḅẹlẹma Tamuno ḅara saghịḅom. Kị́nị́ ḅẹ́lẹ́maarịḅọ gonyẹ́ gonyẹ́ anịị Tamuno Tụwọ ma pịghị Tamuno ma nimim.

1 Jọn 5:1

Mininiḅọ gonyẹ́ gonyẹ́ ḅẹ́ Jizọs ori anịị n Pulo pa Sịbị Saraḅọ, anịḅọ ma anịị Tamuno Tụwọ, Daḅọ ma ḅẹlẹma ḅọ gonyẹ́ gonyẹ́ pịghị ọ Tụwọ ḅẹ́lẹ́mabẹm.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:4

ḅẹ́ Tamuno tụwọ sọmáaḅọ gonyẹ́ gonyẹ́ tuminikiri ma sọḅasọḅam. Wámịna minini anị mịẹsị wamịnị ine tuminikiri ma sọḅaarị nyẹ.