Jems 5:7 - Ibani New Testament

⁷ Ịyẹa mịnaapụ ọmịnị ingịrịma nyáná sị mú Kị́nị́nyánáḅọ ma ḅo bẹ sa la. Ọ dighi duadipiapụ ingịrịma nyáná ḅara nna dipinyẹ pịrị sị mú duasughu bẹ sa la, áyá iti akị mú duasughu sa kúrúkúrúm.

Jems 5:7 Iomraidhean Croise

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:28

A karakárányẹ ma dugho ọ pịrịm, jẹapụ mịnga sẹ́fịnịarịapụ fịịbịgha akị muu n Tumḅọ yii Tụwọ ma árị ḅoarị ori ásẹ́mẹ́kiri ḅụ.>>

Matiu 24:27

Túminị́ ịrụa saghị saghị ngaa ḅoarị so kọrịfịnị ma arịarị ḅara na ịrụa ma tughu tughu ngaa, anịị Tumḅọ yii Tụwọ ḅoo ma fịnị bẹ ḅara.

Matiu 24:44

Anịgo ịrịsọ tẹ́lẹ́ma nyána tegó Tumḅọ yii Tụwọ ma ḅobẹm ọ tọ́rụ́ pa ọ dighigha sáá.

Ibi Oku Ma Luk Anị Gịẹ Ḅara 18:8

A dugho ọ pịrịm, Tamuno ori n ḅara ḅẹ́rẹ́kọ ibimabẹm pịghị álála ḅara, kụ́ma Tumḅọ yii Tụ́wọ ma o ḅoo bẹ sa, o minini nyánáapụ árị bẹ tuminikiri?>>

Ibi Oku Ma Luk Anị Gịẹ Ḅara 21:27

Anịsáa, anịị túminị́ Tumḅọ yii Tụwọ ma árị bẹnyẹ, o ḅoarị angaá oḅuto bie, kụrọ na ori opu ipine ḅụ.

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 21:22

Jizọs pagharam, <>

Ibi Oku Ma Jọn Anị Gịẹ Ḅara 21:23

Mịma gosi dughonyẹ ma kaa wásámam mịná ọḅụduaapụ ma ogbobie ḅẹẹ mịị ọḅụduaḅọ ma fịịbịgha. Kụ́ma Jizọs dughogha ḅẹ́ ọ fịịbịgha, ọ papa dughom ḅẹẹ, <>

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 1:7

Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.

Jems 5:10

Ị́yẹ́ mịnaapụ ọ Kị́nị́nyánáḅọ ẹ́rẹ́ ḅụ ikiakoroapụ ma pa biekóróma, ọ mịnị nna árị ḅẹ, nnị ọ́ inema nyánáapụ tọ́rụ́siarị ḅụ.

Jems 5:3

Ọmịna odoḅala na pị́naḅala pịghị ajarị mịẹmam, mị ajarị ma pịghị onyẹ́sẹ ọ pịrịbẹm, anị pịghị ọmịna ojumẹnị dọghụmabẹm fịnị ḅara ma, ọmịnị ngọ kọọ bima wárịmam, mị kunema éné ma.

2 Pita 3:4

Warị pịghị gbíla, Jizọs kọkọ minini ḅẹ́ ọ ḅobẹm, ọ mininigha? Ọ tẹ́ angaá imi, wámịna tádọ́apụ fịị famamam, nyẹ gonyẹ́ gonyẹ́ pa anị fịnị ḅára fịnịm saghị n tuminikiri tẹ́mẹ́ sa éné éné.