Jems 5:20 - Ibani New Testament

²⁰ ọ mịma pa biekóróma: siiamịẹnyẹ ḅo daa, karakárá asọ ma sọ ḅọ gonyẹ́ gonyẹ́ anị sii tumḅọ ma tẹ́mẹ́ duaḅọ́rọ́mabẹm fịị ḅarabie, n ḅọ pịghị tọgha tọgha siiḅụḅarasipịrị akuobẹm.

Jems 5:20 Iomraidhean Croise

Ibi Oku Ma Jọn Anị Gịẹ Ḅara 5:24

<

Romapụ 11:14

dighidighigha a ine ị́yẹ́ jẹ́ Juuapụ mịẹsị nnị nyẹ́mọ́ni, si anị ḅụ ḅọ́rọ́ nna ḅụ jẹ́apụ dụaḅọ́rọ́ma.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 9:22

Minini ḅụ kụrọghaapụ ma ogbo, a ḅo minini ḅụ kụrọghaḅọ dighim sị a ine pa nna akuoo Krais pịrịị. Anịgosi a ḅo nyẹ gonyẹ́ gonyẹ́ sọ kị́nị́mamgba pịrịm sị a ine jẹapụ dụaḅọ́rọ́ma ḅo bẹ ḅara a árị asọ gonyẹ́ gonyẹ́ ḅụ.

1 Timoti 4:16

Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.

Fịlẹmọn 1:19

Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá.

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

Jems 5:15

Nnị minini ḅụ kọọ tẹ́ghẹ̄ ma obiapụ gwọbẹm. Kị́nị́nyánáḅọ pịghị mịẹbẹm nna oju kụ́rọ, n pịghị mịẹmáa siiamịẹnyẹ ḅụ n siiḅụḅarasi n pịrịbẹm.

Jems 5:19

Ịyẹa mịnaapụ ḅọ́rọ́, ọmịna ḅụ ḅọ́rọ́ gbẹ́rẹ́ḅọ karakárá asọ ma wáriso sị mú ikelekelearị, sị jụghọ warị o daatụ́ghụ́ma karakárá asọ ma ḅụ,

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

Puu Findi 20:6

Karịiḅi na tọ́ntọ́ fịnị parị fịị ḅụ sághị ma bie sọapụ pịrịm, Mmẹẹ́ kárámá fịị ma nna ḅụ kụ́rọ nyanagha; nnị Tamuno na Krais igwagwaapụ sọbẹm, nnị pịghị ori na taábẹm kụ́rá a ndẹ́ẹ oyia si findi.