Jems 5:15 - Ibani New Testament

¹⁵ Nnị minini ḅụ kọọ tẹ́ghẹ̄ ma obiapụ gwọbẹm. Kị́nị́nyánáḅọ pịghị mịẹbẹm nna oju kụ́rọ, n pịghị mịẹmáa siiamịẹnyẹ ḅụ n siiḅụḅarasi n pịrịbẹm.

Jems 5:15 Iomraidhean Croise

Matiu 17:20

Jizọs pagharam, <<Ọmịna minini opuma ịrụm gosi. A karakárányẹ ma dugho ọ pịrịm, ḅọ́rọ́ o minini nyánam mọstad sịmgbọlụ ma ịrụ ḅara pa ịrụ nyẹ, i ine dugho mị tụ́ndụ ma pịrịbẹm, anị pịghị nwángị muubẹm. Opuma ọ ḅụ nẹ́ngịma bẹnyẹ ofori.>> [

Ibi Oku Ma Jọn Anị Gịẹ Ḅara 5:14

Sáá ḅo ḅọ́rọ́ sáá Jizọs ori na donam Tamunoopuwarị ma bie sị warị ọ ḅẹ́, <>

Ibi Oku Ma Jọn Anị Gịẹ Ḅara 6:39

Mịma anịị i fịrịmaḅọ ma pịghị binyẹ, ḅẹẹ ọ pa i pịrịmáapụ ma gonyẹ́ gonyẹ́ a gbẹ́rẹ́ḅọ sọ ḅuumama. Kụ́ma nnị saghịma duma bie sua kunema éné ma ḅụ.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

2 Kọrịntịapụ 4:14

Wa nimim ḅẹẹ, Tamuno, Kị́nị́nyánáḅọ Jizọs sághị duma bie suaḅọ pịghị wamịnị na Jizọs saghịmabẹm, n pịghị wamịnị na ọ́ nana kobirịbẹm ọ tórúku.

Jems 1:6

Kụ́ma i tẹ́ghẹ̄ bẹ sa mịnị mmẹẹ́ tẹ́mẹ́ nyánáma. Mmẹẹ́ tẹ́mẹ́ nyánáarị ḅọ gonyẹ́ gonyẹ́ tọ́rụ́bie fịnị dinọngụ anị n ḅo kịkanyẹ, mingi dighi pịghị fọ́rụ́ ofuro ma ḅọ́rọ́arị nyẹ.

Jems 5:13

Ọmịna bie ḅụḅáláḅálá bie sọapụ imi? Nnị tẹ́ghẹ̄, ọmịna bie bieḅẹlẹapụ imi? Nnị boma núme sughu.

Jems 5:16

Anịgo ọmịnị ọmịna sii kịẹ jụghọ jụghọ pịrị pịghị tẹ́ghẹ̄ jụghọ jụghọ pịrị, ọmịna obi gwọbẹ ḅara, karakárá ibiamịẹnyẹ tumḅọ kọọ tẹ́ghẹ̄ opuma kụrọfịrị nwángịarị.

Jems 5:20

ọ mịma pa biekóróma: siiamịẹnyẹ ḅo daa, karakárá asọ ma sọ ḅọ gonyẹ́ gonyẹ́ anị sii tumḅọ ma tẹ́mẹ́ duaḅọ́rọ́mabẹm fịị ḅarabie, n ḅọ pịghị tọgha tọgha siiḅụḅarasipịrị akuobẹm.