Jems 4:1 - Ibani New Testament

¹ Ọ tẹ́ go jụghọ jụghọ na owusọarị pịghị ḅẹ́rẹ́fángálámáarị? Ọmịna ojumẹnị ḅẹlẹma nyẹ anịị sámámgba owusọarị nyẹ́gha ọmịna bie?

Jems 4:1 Iomraidhean Croise

Matiu 15:19

Ḅẹẹ tẹ́mẹ́ ma bie anịị sii kóróma, kị́nị́ḅáa, amadọghụ, yáakuu ḅụ ofori nwángị, fúrú, iruo onyẹ́sẹ, kị́nị́ dughosima.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Romapụ 7:23

Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 8:7

Anịgo túminị́ ḅo Tamuno iruonaapụ sọm nna ojumẹnị ḅẹrẹtọ n pịrịarị sa; mịnaapụ ma Tamuno ólóghó ma kokogha, n pịghị ine anị kokobịgha.

Galesiaapụ 5:17

Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

2 Timoti 2:23

Ịḅụ si akị oḅoriapụ na nyẹ́nimighaapụ nụná nyẹ ḅụ; i kọkọ nimi ḅẹ anị kunema anịị kam sọọ.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Taitọs 3:9

Kụ́ma mịẹnyẹ ḅụ ofori nụ́nányẹ kile, n gịẹ kóróma nangwọ tádọ́apụ ẹrẹ, ólóghó ma gboloma kam na owu na, mịnanyẹ ma sọnyẹ ḅụ ofori pịghị fịrị ḅụ ofori.

Jems 1:14

Kụ́ma wa daádighi ḅụ sọarị, wamịnị ojumẹnị wa nụ́nụ́ sị pa ofori ofori pughotarịarị siinyẹ ḅụ suamaẹrẹ.

Jems 4:3

Ị pịghị gbíla sa, i nyánaḅogha, tegó i karakárá tẹ́mẹ́bie pa anị bigha, i biiarị nyẹ ma ọ́ pa ịḅụ ngéré na dụrụkụ́.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

2 Pita 3:3

Parị nyẹ, a bim ọ kanyaḅo ḅẹ́ kunema sa ma ḅụ, jẹ́apụ págháḅobẹm nna duma bie n dighi nwangịarịnyẹ anịị nna ojumẹnị tárịnyẹ gonyẹ́ gonyẹ́ n pịghị ọ kombobẹm.