Jems 3:15 - Ibani New Testament

¹⁵ Ọkọ fịnị opu nyẹ́nimi ma sobie saghị ḅogha, ọ́ mị tuminikiri nyẹ, ojumẹnị nyẹ pịghị sitẹ́mẹ́ nyẹ.

Jems 3:15 Iomraidhean Croise

Ibi Oku Ma Luk Anị Gịẹ Ḅara 16:8

<

Ibi Oku Ma Jọn Anị Gịẹ Ḅara 3:17

Tamuno ọ Tụ́wọ fịrịma tuminikiri ḅogha ḅẹ́ o ḅoo anị ḅẹ́rẹ́kọḅọ sọ, kụ́ma ọ ḅụ ḅọ́rọ́ tuminikiri ma dụaḅọ́rọ́ma.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Fịrị Ḅara 13:10

warị ḅẹẹ, <<Ịrị ẹ́kpẹ́dua tụwọ, ịrị ibinyẹ gonyẹ́ gonyẹ́ iruonaḅọ, epele tọrụkịrikị́rị́ ịḅụ bim, i pịghị Tamuno karakáráma pịghị epele sọmaarị.

Romapụ 1:22

Nnị dughoarị ḅẹẹ nnị nyẹ nimim kụ́ma nnị ọḅọrisọmaapụ

1 Kọrịntịapụ 1:27

Tamuno tuminikiriapụ pa oḅorisọ sị nyẹ ma sẹlẹakịm sị pa opu nyẹ́nimiapụ ma ḅụ́gịrịrịma, ọ pịghị tuminikiriapụ pa ịnyọ nyánágha sị nyẹ ma sẹ́lẹ́akịm sị pa ịnyọ nyánáapụ ma ḅụ́gịrịrịma.

1 Kọrịntịapụ 2:14

Tẹ́mẹ́ ma nyánághaḅọ gonyẹ́ gonyẹ́ ine Tamuno Tẹ́mẹ́ ḅara ḅoo dienyẹ ma daákịbịgha. Ọkọfịnị tumḅọ ine nnị akanyaḅogha, n ḅo ḅụ anị ofori ofori nyẹ kịkam, tegó Tẹ́mẹ́ ma ḅụ ngéré anịị wamịnị ine dienyẹ ma akanyaḅo bẹnyẹ.

1 Kọrịntịapụ 3:19

Tegó mị tuminikiriapụ pa nyẹ́nimi nyẹ sị nyẹ anịị papanyẹ Tamuno tórúku tegó, Tọ́ndiri ma dugho ḅara, <>

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

Filipaiapụ 3:19

Kọ́rịfịnị anịị nna kunema, tegó nna kálá Tamuno anịị nna fúro, n pa ḅụ́gịrịrị bẹnyẹ anịị n pa bịbịkpọarị nyẹ, mị tuminikiri gbolomanyẹ gonyẹ́ gonyẹ́ anịị n sịbịbie kịẹ pịrịarịnyẹ.

2 Tẹsalonaikaapụ 2:9

Siisịbịbieḅo ma ẹ́kpẹ́dua kụ́rọ pa ḅobẹm sị tọ́rụ́kịrịkị́rị́ epele ḅụ́gbérépuma fịrị mamgba nwángịbẹm.

1 Timoti 4:1

Tọ́ntọ́ Tẹ́mẹ́ ma ḅọghugha ḅara pa dugho pághámam ḅẹ́ kunema sáá biri ma ḅụ jẹ́apụ minini ma wárịsóbẹm; si epele ti tẹ́mẹ́ ma pughu sị pịghị sitẹ́mẹ́ diearịnyẹ ma dua.

Jems 1:17

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

Jems 1:5

Kụ́ma ḅọ́rọ́ ọmịna bie opu níminyẹ nyánághaḅọ imii, n ḅo Tamuno tẹ́ghẹ̄, ori ibima biiapụ mamgba pịrịbẹm nyẹ́kọ́magha pa.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

Judu 1:19

Mịnaapụ ma, anịị puama dighiapụ, nnị nna ojumẹnị tarịarịnyẹ anịị n sumaarịnyẹ, Tọ́ntọ́ Tẹ́mẹ́ ma nyánágháapụ.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 2:24

<> (A dugho ọ pịrịarị a mịnị jẹ́ ikúnyẹ pa ọmịna sịbị gbanabịgha).

Puu Findi 9:11

Nnị ámányánáḅọ nyánam n táarịḅọ, anịị sughu nyanagha póghóló kiri ma didighiarịḅọ. Ori ẹ́rẹ́ Hiburu ẹ́gẹ́rẹ́ ḅụ anịị Abadon: Giriki ḅụ ori ẹrẹ anịị Apoliyọn dughoarị nyẹ bẹ ori, <>