Jems 3:13 - Ibani New Testament

¹³ Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

Jems 3:13 Iomraidhean Croise

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Matiu 21:5

< >>

Matiu 5:5

Karịiḅi fịnị nna ḅụ sitérémaapụ pịrị tegó tuminikiri ma nna nyẹ sọ́bẹm!

Matiu 7:24

<

1 Kọrịntịapụ 6:5

A mịma dugho pa ọmịna ḅụgịrịrịmamam. Ḅẹẹ gbẹ́rẹ́ nyẹ́nimiḅọ sọ ofori mọ ọmịna kobiri ogbo ine ḅẹ́rẹ́kọ bẹḅọ ori amịnáapụ Krais asọ duarịapụ ma ogbobie?

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 8:24

Ị́yẹ́ ḅẹlẹma pa n die, anị sọsị sọsị mamgba ḅụkoro sị pịghị nimi ḅẹ́, wamịnị ọmịnị pa bịpịkpọ ma karakáram.

Galesiaapụ 5:23

ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

Galesiaapụ 6:1

Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

Galesiaapụ 6:4

Fịnịḅọ, fịnịiḅọ ọra mịẹnyẹ daádighi. Anị ibii nḅẹ́ḅẹ́ẹ́ anị sáá ori ine bịpịkpọbẹm ọmiẹmaa nyẹẹ, kụ́ma nna ḅụ pa jụghọ jụghọ na tọmaagha ḅara jụghọ mịẹmáa nyẹ.

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

2 Timoti 2:25

diin ḅara pa i nana nụnaapụ ma daatụ́ghụ́ma, tegó Tamuno ine mịẹbẹm si nnị asọ árị sị sii ḅụ pịghị sị karakáráma nimii.

Taitọs 3:2

Dugho n pịrị ḅẹ́ nnị gbẹ́rẹ́ḅọ sọ dughosima ma, kụ́ma diin dọghụ, nangwọ mịẹ, pịghị ḅụ́sitéréma ḅara pa kị́nị́mamgba na ngaa.

Hiburuapụ 13:5

Ọ mịnị ọmịna duma fófóoma igbii ḅẹlẹma ḅụ, ọnyana nyẹ ọ tọ́rụ́ bi, Tamuno kọkọ ḅẹ́, <>

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

Jems 2:18

Kụ́ma gbẹ́rẹ́ḅọ ḅẹẹbẹm ḅẹ́, <> A pagharaa bẹnyẹ, pa i die, tumḅọ minini nyáná si anị pa fịrị ḅụ suabịgha ḅara. A ị́yẹ́ minini pa i diebẹm ị́yẹ́ fịrị ḅụ ḅọ́rọ́.

Jems 3:1

Iyẹa mịnaapụ, ọmịna ḅụ tọghaapụ nyẹ́dieapụ sọ ma. O nimiḅara ma ḅẹ́, wamịnị nyẹ́dieapụ kụ́rọḅa ḅẹ́rẹ́kọ nyánábẹm.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Pita 3:4

Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ.