Jems 1:3 - Ibani New Testament

³ Ọmịna míníni ine mị daádighi ma sọ́ḅa sa ọ nimim ḅẹ́ ọmịnị ngịrịma nyánámam.

Jems 1:3 Iomraidhean Croise

Ibi Oku Ma Luk Anị Gịẹ Ḅara 21:19

Sẹ́ kụ́rọ, anịsáa ị ịḅụ duaḅọ́rọ́mabẹm.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

Romapụ 8:28

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

2 Kọrịntịapụ 4:17

Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

2 Tẹsalonaikaapụ 1:4

Anịị wa goo ọ pa bịpịkpọ nyẹ Tamuno sọsị sọsị ma ogbobie, wamịnị ọ pa bịpịkpọm ọ sẹ kụ́rọ inema nyána ḅara sị pa minini, nnị ọ pa arịị árị tọ́rụ́siarị mamgba balagha pa.

2 Tẹsalonaikaapụ 3:5

Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

1 Pita 1:7

Mịị daádighi ma anịị pa diepágháma ḅẹ́ ọmịna minini ma anịị karakárányẹ ma. Odoḅala sọ, tumḅọ ine sima ḅẹnyẹ, fịnị anị n pa anị daádighi dighinyẹ. Anịma go, ọmịna minini nyẹ́la odoḅala nẹ́ngị nyẹ, n pa daádighi bie sua nyanam sị nimi anị ibi láa ḅara. Anịsa ọ túmíní na ipine na kuu nyánábẹm Jizọs Krais ọ ḅụ die bẹ éné.

2 Pita 1:6

Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.