Jems 1:27 - Ibani New Testament

²⁷ Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Jems 1:27 Iomraidhean Croise

Matiu 12:32

Sii ẹ́gẹ́rẹ́kọ Tumḅọ yii Tụwọ ma pịrị ḅo gonyẹ́ gonyẹ́ nnị siiḅụḅarasi n ḅo pịrịbẹm, kụma sii ẹ́gẹ́rẹ́kọọ Tọ́ntọ́ Tẹ́mẹ́ ma pịrịḅọ nnị siḅụḅarasi n ḅọ pịrịbịgha, mị tuminikiri ma ḅụ na pịghị ḅọ bẹnyẹ ma ḅụ.

Matiu 5:8

Karịiḅi fịnị aka na egberi na duma nyánágháapụ pịrị, tegó nnị Tamuno árịbẹm!

Ibi Oku Ma Luk Anị Gịẹ Ḅara 1:6

Nnị mmẹapụ karakárá ibiamịẹnyẹ nyánam Tamuno tórúku, pịghị Kị́nị́nyánáḅọ ólóghó mamgba kokom.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 2:13

Ólóghó ma naapụgha Tamuno toruku karakárá ibiamịẹnyẹapụ, kụ́ma ólóghó ma dughonyẹ mịẹapụ.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 3:11

Mị́sa wa ḅo nimiḅom ḅẹ́ ólóghó ma ḅụ ḅọ́rọ́ nnị gbẹ́rẹ́ḅọ sọ pa Tamuno na karakárá ḅụ ḅụ warịgha, <>

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Galesiaapụ 6:14

Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Timoti 5:4

Kụ́ma ḅọ́rọ́ dee fịịmáa ọ́rụ́ḅọ awọ nyánam anịgha taa awọ nyánam, n Tamuno tọ́ọ n pịrị fịrị nwángịị anị nna nyingi na daa na gboloma ḅara, mị ḅara ma nnị nna nyingi na daapụ na opu nyingiapụ na opu daapụ ma sáá pa n gbẹarị, tegó mịma anịị Tamuno tẹ́mẹ́ mịẹ ḅẹ́lẹ́maarị nyẹ.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

Jems 3:9

Anị wa pa wámịna Nyánáḅọ Daḅọ ịmịẹḅam pa ọ pịrịarịnyẹ, anị wa pịghị pa kị́nị́ wiriarị nyẹ, Tamuno ọ ḅụ dighi tẹ́mẹ́apụ ma.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

2 Pita 1:4

Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.