Jems 1:21 - Ibani New Testament

²¹ Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

Jems 1:21 Iomraidhean Croise

Matiu 5:5

Karịiḅi fịnị nna ḅụ sitérémaapụ pịrị tegó tuminikiri ma nna nyẹ sọ́bẹm!

Ibi Oku Ma Jọn Anị Gịẹ Ḅara 6:63

Tẹ́mẹ́ ma duma pịrịm; ojumẹnị ma sọnyẹ pịrịgha. A kọọ ọ pịrịmaá ẹ́gẹ́rẹ́ ma anịma anịị tẹ́mẹ́ nnị pịghị duma.

Ibi Oku Ma Jọn Anị Gịẹ Ḅara 6:68

Saimọn Pita ọ pagharam, <

Fịrị Ḅara 10:33

Anịgo, anị gbẹ́rẹ́kiri a fịrịma ị sịịm, ị pịghị ibiḅara mịẹm i ḅoo ḅara ma. Mị́sa wamịnị kị́nị́mamgba mịnga imii Tamuno tórúku, kúruarị wa náa bẹ ḅara Tamuno ị fịrịma sị ị dugho wa pịrịbẹnyẹ.>>

Fịrị Ḅara 13:26

<

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 11:17

Nnị dipi olivu ma ḅụ n jẹa sị ḅara anyịmasim, n warị owi olivu sị ḅara pa anị na ḅọlọ gboloma. Ọmịnị Juughaapụ ma ọmịnị owi olivu sị ḅara ma kịkam, ọ warị mị́sa saghị Juuapụ tẹ́mẹ́ju ibi fị́nyẹ ma fịarị.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

1 Kọrịntịapụ 15:2

Mịị ibi oku ma ḅụ ḅọ́rọ́ ọ dụaḅọ́rọ́ma nyánam, ọ ḅọ́rọ́ a dugho wásáma ọ pịrị ẹ́gẹ́rẹ́ ma ọ́lọ́ kụ́rọ́ma kụ́rọ́maá. Ọkọgha nḅẹḅẹ́, ọ pápá mininimam.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 4:25

Anịgosi, ọmịnị iruo kọma! Ọ́rụ́ḅọ ọ́rụ́ḅọ tụ́manyẹ ma dugho amịna jẹ́ mininiḅọ pịrị tegó wamịnị mamgba, wamịnị gbẹ́rẹ́apụ Krais oju ma ḅụ.

Ẹ́fịsọsapụ 5:4

Anịgha anị ḅụ́gbẹ́ ḅẹ́ ọmịnị ịlọ́lị ẹ́gẹ́rẹ́kọọ, anịgha Tamuno dighi ḅáláfaghaa ẹ́gẹ́rẹ́ anịgha biri ḅụ ḅẹlẹgha ẹ́gẹ́rẹ́ kọọ, tụ́ma ọmịnị ịmịẹḅam pa Tamuno ḅẹẹ.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Hiburuapụ 2:3

Anịsa, wa tọ́rọ́ pa fomḅarabie wa ḅụ ḅọ́rọ́ma ḅẹ́, ḅọ́rọ́ wamịnị mịị opu dụaḅọ́rọ́ma ma dighi tọ́rụ́sim? Wámịna Nyánáḅọ Jizọs anịị parị mịị oku ma dugho págháma ḅọ, ọ bịpị anị naapụ onyẹ́sẹ wa pịrịm ḅẹ́ oku ma karakárányẹ.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

Jems 5:20

ọ mịma pa biekóróma: siiamịẹnyẹ ḅo daa, karakárá asọ ma sọ ḅọ gonyẹ́ gonyẹ́ anị sii tumḅọ ma tẹ́mẹ́ duaḅọ́rọ́mabẹm fịị ḅarabie, n ḅọ pịghị tọgha tọgha siiḅụḅarasipịrị akuobẹm.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 1:9

ọmịnị ọmịna biebẹ duma dụaḅọ́rọ́ma nyánáarị gosi, anịma mịẹm sị ọ minini nyáná ọ ḅụ.

1 Pita 2:1

Tọ́rụ́kịrịkị́rị́ siiamịẹnyẹ gonyẹ́ gonyẹ́ pa angaá ḅọ́rọ́, mịnị epele ti ma anịgha mmẹẹ́ tọ́rụ agidi duma kọọ anịgha jughonyẹ mọnị anịgha wirinumo ẹ́gẹ́rẹ́kọọ.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.