Jems 1:19 - Ibani New Testament

¹⁹ Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.

Jems 1:19 Iomraidhean Croise

Matiu 5:22

Kụ́ma a dugho ọ pịrịarị amịna mị́naḅọ dighi bieoḅu ḅọ gonyẹ́ gonyẹ́ ḅẹ́rẹ́kọ siri tórúku sẹ́bẹm, pịghị jẹ́nyẹ, amịna mị́naḅọ owiḅọ ḅẹḅọ, <Ịrị oforioforị tumḅọ,> Juuapụ ámáḅẹ́rẹ́dughoapụ ma dáabẹm. Kụ́ma kị́nị́ ḅẹ́ ḅo, <Ịrị oḅoriḅọ!> ẹ́kpẹ́duaama kọrịfịnị bie sọbẹm.

Ibi Oku Ma Mak Anị Gịẹ Ḅara 12:37

Deviti ọ ḅụgbọrụ pa ọ sịm anịsáa, Mesaya ma ọ tọ́rọ́ pa Deviti furobie saghị págháḅo bẹ?>> Kobiri ogbo ma bieḅẹlẹ ḅụ Jizọs kọọ n pịrị ẹ́gẹ́rẹ́ ma pughuarị.

Ibi Oku Ma Mak Anị Gịẹ Ḅara 2:2

Tọghaapụ ḅo kobirim sị ḅụọ kóróma angaá mịnị ofori, ḅụ́pọ́ ma tórúku ḅụ sọ Jizọs ibi oku ma dugho wásáma n pịrịarị.

Ibi Oku Ma Luk Anị Gịẹ Ḅara 15:1

Gbẹ́rẹ́ éné ósó igbii daapụ na siiamịẹnyẹapụ ḅom ḅẹẹ nnị ọ pughu.

Ibi Oku Ma Luk Anị Gịẹ Ḅara 19:48

Kụ́ma nnị ine asọ arịgha, tegó túminị́ mamgba birifama o pughuarị, nnị bigha gbẹ́rẹ́ ẹ́gẹ́rẹ́ sọ nnị gbarị.

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

Fịrị Ḅara 10:33

Anịgo, anị gbẹ́rẹ́kiri a fịrịma ị sịịm, ị pịghị ibiḅara mịẹm i ḅoo ḅara ma. Mị́sa wamịnị kị́nị́mamgba mịnga imii Tamuno tórúku, kúruarị wa náa bẹ ḅara Tamuno ị fịrịma sị ị dugho wa pịrịbẹnyẹ.>>

Fịrị Ḅara 13:48

Juughaapụ ma mịma náa sáá, nnị bieḅẹlẹm, nnị warị Kị́nị́nyánáḅọ ma ẹ́gẹ́rẹ́ túminí anịgo nnị tọghaapụ ḅẹ́ nnị duma gbámásó nyáná ḅo mininim.

Fịrị Ḅara 17:11

Mịnga fịnị túminị́ ma tẹ́mẹ́ sárásárá Tẹ́salonaika ḅụ fịnịapụ ma nẹngịm. Nnị birifama oku ma pughum éné gonyẹ́ gonyẹ́ ḅụ, nnị pịghị Tọ́ndiri ma dáwọm sị nimidọghu Pọl pa n dienyẹ́ ma ḅọ́rọ́ karakárá.

Fịrị Ḅara 2:42

Nnị warị sáá ngúmá nfịrịmaapụ ma ḅárabie nyẹ dáwọ pịghị mịẹgbólóma nyáná nnị pịghị mịẹgbólóma nyánam fị́nyẹ ḅụ na tẹ́ghẹ̄ ḅụ.

Ẹ́fịsọsapụ 4:26

Ḅọ́rọ́ ḅẹ́ ị́ igani igani, minima sị igani ma i suma siinyẹ bie suu, pịghị minima anị i nana fịnị énédima.

Ẹ́fịsọsapụ 4:31

Tẹ́mẹ́ ákụ mamgba na, owi tẹ́mẹ́ na igani gonyẹ́ gonyẹ́ ḅụ ọmịnị ọmịna ḅụ fófóoma anị ḅụ, ọmịnị ilúghú wirinumo wirima, ọ pịghị jụghọ jụghọ tarịgha duma gonyẹ́ gonyẹ́ wáriso.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

Kolosiapụ 3:8

Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

Jems 1:16

Ị́yẹ́ ibi mịnaapụ ọ minima nnị oḅori pa ọ sịị.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

Jems 1:26

Ọmịna bie sịḅọ imi ḅẹ́ nḅọ Tamuno nimim, kụ́ma ine nḅọ ḅẹ́lẹ̄ ọlọgha, anị tumḅọ ma Tamuno nimi ọ́ papanyẹ, n ḅo oḅori pa n ḅo ḅụ siim.

Jems 2:1

Ịyẹa mịnaapụ, mininiapụ ḅara wámịna Nyánáḅọ Jizọs Krais ḅụ, ipine nyáná Kị́nị́nyánáḅọ, jẹ́ éné jẹ́ éné tọ́rụ́kịrịkị́rị́ ḅara pa nyẹ́ mịẹ túminị́ pịrịma nna fịnị ḅara gosi.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

Jems 3:10

Ịmịẹḅam na gboonyẹ na mị gbẹ́rẹ́ bịpị ma bie saghị págháḅoarị. Ịyẹa mịnaapụ mịma ọkọfịnịbịgha.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.

Jems 5:12

Nyẹ́mámgba nẹ́ngịma nyẹ ịyẹa mịnaapụ ị nyẹ mininiarị sa, ọḅọọ fị ma, so karịfị ma, anịgha kiri karịfị, anịgha ḅẹnyẹ ḅẹnyẹ gbọrụ, <> ḅẹ́ i innh ḅẹ́ na ibi sa, pịghị <> ḅẹ́ ị errnh errnh ḅẹ́ na ibi sa. Anịsa anịị ine Tamuno ólóghó kóróbịgha ḅara.

Jems 5:19

Ịyẹa mịnaapụ ḅọ́rọ́, ọmịna ḅụ ḅọ́rọ́ gbẹ́rẹ́ḅọ karakárá asọ ma wáriso sị mú ikelekelearị, sị jụghọ warị o daatụ́ghụ́ma karakárá asọ ma ḅụ,

1 Jọn 2:21

A mị diri ma gịẹ ọ pịrịarị ḅẹgha ḅẹ́ ọ karakáráma nimigha; kụ́ma ọmịnị anị nimim go, ọ pịghị nimim ḅẹ́ gbẹ́rẹ́ epele karakáráma ḅụ saghị ḅobịgha.