Jems 1:18 - Ibani New Testament

¹⁸ Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

Jems 1:18 Iomraidhean Croise

Ibi Oku Ma Jọn Anị Gịẹ Ḅara 1:13

Nnị Tamuno awọ sọgha túminị́ nna nyingi na nna daa awọ sọ ḅara, anịị gbẹ́rẹ́ daa yii awọ kụ́ma ori Tamuno ma anịị nna Daa.

Romapụ 4:17

Tọ́ndiri ma dugho ḅara, <> Ori anịị wámịna daa, Tamuno ma tórúku, ọ ḅụ mininiḅọ, fịịḅọ mịẹsị n ḅọ dumaḅọ sọ, ḅẹnyẹ ḅẹnyẹ ófórigha ngá ḅụ nyẹ tẹ́mẹ́ pághámaḅoḅọ.

1 Kọrịntịapụ 4:15

Ḅọ́rọ́ Krais bie, ọ túminị́ gbẹ́rẹ́ pughu na sọ́nọ́a ndẹ́ẹ nyanam dighidighiapụ ḅara, ọ tọgha daapụ nyanagha Krais Jizọs ḅụ, a dugho wásáma ọ pịrị ibi oku ma ḅụ ḅọ́rọ́ a daá sọ ọ pịrịmam.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Ẹ́fịsọsapụ 1:12

Anịsáa, wamịnị parị Krais ḅụ tọ́rụ́dighiapụ Tamuno ipine túminị́.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

2 Timoti 2:15

Ị́yẹ́ ịnyọ láa ḅara mịẹsị árị ḅẹ́ Tamuno ḅara pụ́nụ́ ị pịrịm, ibifịrị nwángịḅọ ḅara ḅụgịrịrịgha fịrịnwangịḅọ amịna fịrị ḅụ, kuma ibiḅara pa dua muu Tamuno karakáráma láa bẹ oku ma diearị.

Hiburuapụ 12:23

Ọ Tamuno parị yii awọ ma kobiri ḅom, n sobie nnị ẹ́rẹ́ gịẹapụ, o Tamuno dámáḅómam kị́nị́mamgba ḅẹ́rẹ́kọḅọ, na pịghị n mịẹ kpainma ma karakárá ibiamịẹnyẹapụ tẹ́mẹ́.

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

Jems 3:14

Ḅọ́rọ́ i tẹ́mẹ́bie i nyẹ́mọnịarị, pịghị ákụ nyáná pịghị ịḅụ ịḅụ nimi, epele ti karakárá ma sịbị sẹ ma ḅẹ́, ị opu nyẹ́nimim.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Jọn 3:9

Tamuno tụ́wọ gonyẹ́ gonyẹ́ sámámgba siiamịẹnyẹ mịẹmịẹgha, tegó Tamuno ma fị́nị́ ḅára nna ḅụbie imi, Tamuno ma pịghị nna Daa gosi, nnị ine sámámgba ḅụ siinyẹ mịẹbịgha.

Puu Findi 14:4

Nnị anịị nna ḅụ pa kpainma warịmaapụ sị mịnị ẹ́rẹ́ámáapụ pa nna ḅụ pilemaapụ, nnị anịị na ẹ́rẹ́ anịgha owiapụ nímighaapụ. Nnị Ánáná Tụwọ ma duaarị o muu angaá gonyẹ́ gonyẹ́. Tuminikiriapụ bie anịị nnị n dụaḅọ́rọ́ma nyẹ, nnị anịị parị n fófóoma Tamuno na Ánáná Tụwọ ma pịrịnyẹ.