Jems 1:16 - Ibani New Testament

¹⁶ Ị́yẹ́ ibi mịnaapụ ọ minima nnị oḅori pa ọ sịị.

Jems 1:16 Iomraidhean Croise

Matiu 22:29

Jizọs pagharam, <<Ọmịnị irima irimam tegó ọmịnị Tọ́ndiri ma nimigha anịgha Tamuno ma kụrọ.

Ibi Oku Ma Mak Anị Gịẹ Ḅara 12:24

Jizọs n pagharam ḅẹẹ, <

Ibi Oku Ma Mak Anị Gịẹ Ḅara 12:27

Ori anị dumaapụ Tamuno ma, fịịmaapụ Tamunogha. Ọmịnị karakáráma irimam!>>

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

1 Kọrịntịapụ 6:9

O nimigha ḅẹẹ siinyẹ mịẹarịapụ ma Tamuno amadakiri ma nyánáḅobịgha, ọmịnị oḅori pa ọ ḅụ sima, n kárányẹ tẹ́ghẹ̄arịapụ, anịgha yáakuu ḅụ ofori nwángị kọ́arịapụ anịgha amịna jẹ́ owiapụ na munoarịapụ

Galesiaapụ 6:7

Oḅori pa ịḅụ sịma, Tamuno kombo bẹḅọ ofori, tumḅọ dipinyẹ anịị nḅọ sughu bẹnyẹ.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Kolosiapụ 2:4

A mịma dugho ọ pịrịarị gbẹ́rẹ́ḅọ so ḅẹlẹ bịpị nyẹ nụná pa oḅori pa ọ sibịẹgha ḅara.

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

2 Timoti 2:18

Nnị dua muu karakárá ma láa bẹ asọ ma warisomam dughoarị ḅẹ́ fịị ḅụ sághị ma kiriakịmam. Anị ḅara ma n mịẹm sị jẹ́apụ minini saghị jighe jighe.

Hiburuapụ 13:1

Ọ jụghọ jụghọ ḅẹlẹma bịpịmú Krais asọ duaarịapụ ḅara.

Jems 1:19

Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

Jems 2:1

Ịyẹa mịnaapụ, mininiapụ ḅara wámịna Nyánáḅọ Jizọs Krais ḅụ, ipine nyáná Kị́nị́nyánáḅọ, jẹ́ éné jẹ́ éné tọ́rụ́kịrịkị́rị́ ḅara pa nyẹ́ mịẹ túminị́ pịrịma nna fịnị ḅara gosi.

Jems 2:14

Ịyẹa mịnaapụ, anị tẹ́ ibi mịẹ ọ pịrịbẹ, ọmịna ḅụ gbẹ́rẹ́ḅọ ḅẹ́ a minini nyánam, ḅọ́rọ́ ị́yẹ́ mịẹnyẹ anị diegha? Anị minini ma anị ine i dụaḅọ́rọ́ma bẹ?

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

Jems 3:1

Iyẹa mịnaapụ, ọmịna ḅụ tọghaapụ nyẹ́dieapụ sọ ma. O nimiḅara ma ḅẹ́, wamịnị nyẹ́dieapụ kụ́rọḅa ḅẹ́rẹ́kọ nyánábẹm.

Jems 3:10

Ịmịẹḅam na gboonyẹ na mị gbẹ́rẹ́ bịpị ma bie saghị págháḅoarị. Ịyẹa mịnaapụ mịma ọkọfịnịbịgha.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.

Jems 5:12

Nyẹ́mámgba nẹ́ngịma nyẹ ịyẹa mịnaapụ ị nyẹ mininiarị sa, ọḅọọ fị ma, so karịfị ma, anịgha kiri karịfị, anịgha ḅẹnyẹ ḅẹnyẹ gbọrụ, <> ḅẹ́ i innh ḅẹ́ na ibi sa, pịghị <> ḅẹ́ ị errnh errnh ḅẹ́ na ibi sa. Anịsa anịị ine Tamuno ólóghó kóróbịgha ḅara.

Jems 5:19

Ịyẹa mịnaapụ ḅọ́rọ́, ọmịna ḅụ ḅọ́rọ́ gbẹ́rẹ́ḅọ karakárá asọ ma wáriso sị mú ikelekelearị, sị jụghọ warị o daatụ́ghụ́ma karakárá asọ ma ḅụ,