Hiburuapụ 8:3 - Ibani New Testament

³ Opu Igwagwaaḅọ gonyẹ́ gonyẹ́ n tọ nḅọ pịrịm ḅẹẹ ori agbā mịẹ pịghị nama pa igwagwaá Tamuno pịrị. Wámịna opu igwagwaaḅọ ma anị ḅụ́gbẹm si ori sọ nyáná o pa pịrịbẹnyẹ.

Hiburuapụ 8:3 Iomraidhean Croise

Ibi Oku Ma Jọn Anị Gịẹ Ḅara 6:51

Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

Romapụ 4:25

Wámịna sii gosi nnị ọ saghị fịị ḅarabie suam warị pịghị duma ḅụ ọ saghịma, sị ọ wa pa Tamuno na karakárá ḅụ warị bẹ ḅara.

Romapụ 5:6

Ọ́ kọ́kọ́ arịị ḅẹ́ sa ma karakárá sa, ịnyọ wámịna ḅụ ófórigha sa, Krais fịị siiamịẹnyẹapụ ma pịrịm.

Romapụ 5:8

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 2:17

Mịma dughoarị ḅẹẹ, ori ọrẹ a mịnaapụ fịnị ḅára fịnịbẹm asọ mamgba ḅụ si ori ine nna tọ́rụ́kụrụkụ́rụ́ nyáná sẹ kụrọ igwagwaá áláḅọ sọ bẹ ḅara ọ nwángị Tamuno pịrịarị fịrị, sị ori ine túminị́ ma sii sịrị si bẹ igwagwaá bẹ ḅara.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 5:1

Igwagwaá áláḅọ gonyẹ́ gonyẹ́ Tamuno n ḅọ sẹ́lẹ́akịm ọ jẹa túminị́ ogbo ḅẹẹ o fịrịwangi Tamuno pịrị nna sịbị, sị ori agba mịẹ pịghị igwagwaá sii pịrị.

Hiburuapụ 7:27

Ori isi opu igwagwaapụ ma kịkagha, éné gonyẹ́ gonyẹ́ ḅụ ọ parị igwagwaá ọri sii pịrịbịgha, sị pịghị igwagwaá túminị́ ma pịrị, ọ gbẹ́rẹ́ igwagwaá sámámgba pịrịm ori ọrẹ ojumẹnị pa pịrị sa.

Hiburuapụ 8:4

Ọ ḅọ́rọ́ tuminikiri imi, ori igwagwaḅọ fịrị nwángịbịgha, igwagwaapụ imi sa, Juuapụ ólóghó tọghaapụ ḅẹẹ nnị mị agbā ma mịẹ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.