Hiburuapụ 5:2 - Ibani New Testament

² Ori, ori itilam gosi ọ tọ́rụ́kụrụkụ́rụ́ nyána níminyẹ nyánágháapụ na pịghị siinyẹ mịẹarịapụ pịrịm.

Hiburuapụ 5:2 Iomraidhean Croise

Ibi Oku Ma Luk Anị Gịẹ Ḅara 22:32

Kụ́ma, Saimọn, a tẹ́ghẹ̄ ị pịrịmam ḅẹẹ ị́yẹ́ minini bịghịbịgha ḅara. I pịghịma i damaḅo sa ị́yẹ́ amịna owiapụ kụrọma.>>

2 Kọrịntịapụ 11:30

A ḅọ́rọ́ bịpịkpọ bẹ, a bịpịkpọ mịẹsị i tẹ́mẹ́ oḅuumaarị nyẹ ma pịrịbẹm.

2 Kọrịntịapụ 12:5

A ọkọfịnị tumḅọ pa bịpịkpọbẹm, kụ́ma a ịḅụ pa bịpịkpọbịgha, tụ́ma diearịnyẹ ma sima ḅẹ́ i tẹ́mẹ́ oḅuum.

Galesiaapụ 4:13

Ọ́ kọ́kọ́ nimi ḅẹ́ a goo ine Krais ibi oku ma akuoo ọ pịrịnyẹ, parị sáá ma ḅụ ọ ḅẹ́ a obim gosi.

Ẹ́fịsọsapụ 4:18

Nna kúkúbie kánákáná ḅụ imi, nnị diekiri nyanagha Tamuno pịrịarị duma ma ḅụ, n nimi gbẹ́rẹ́nyẹ sọ ofori, n pịghị kụ́rọ sịbịbie nyanam.

1 Timoti 1:13

Karakárányẹ ḅẹ́ ḅọ́rọ́maa sáá a ọ ḅụ siinyẹ dughom, ọ pa tọ́rụ́siarịmam pịghị ọ wiri, kụ́ma Tamuno lolomakúkúbie nyáná i pịrịm, tegó na a minini nyanagha gosi a pịghị nimigha a mịẹarịnyẹ.

Hiburuapụ 12:13

Gbụ́nụ́nụ́ asọ nwángị si ikúlá ḅụọ ma ikúlá fịnịbịgha ḅara, tụ́ma anị gwọbẹ ḅara.

Hiburuapụ 2:17

Mịma dughoarị ḅẹẹ, ori ọrẹ a mịnaapụ fịnị ḅára fịnịbẹm asọ mamgba ḅụ si ori ine nna tọ́rụ́kụrụkụ́rụ́ nyáná sẹ kụrọ igwagwaá áláḅọ sọ bẹ ḅara ọ nwángị Tamuno pịrịarị fịrị, sị ori ine túminị́ ma sii sịrị si bẹ igwagwaá bẹ ḅara.

Hiburuapụ 2:18

Ori so tọ́rụ́siarị ḅára ma ọ sọọ daádighi gosi, ori ine ḅárásua nyáná daádighi bie sọapụ pịrịbẹm.

Hiburuapụ 4:15

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

Hiburuapụ 7:28

Mosis ólóghó itilaapụ tọọm ḅẹẹ nnị igwagwaalaapụ sọọ, kụ́ma Tamuno mini nyẹ ori ọḅọọ ma na ḅoo nyẹ, ólóghó ma ọḅụju, o Tụ́wọ ma tọọm, n mịẹ kpainma ḅo ákị mú gbámásó láa.

Hiburuapụ 9:7

Opu Igwagwaaḅọ ma ngéré anị biebẹ ju fịnị yọ ma sọ sọ ḅọ, o mịma mịẹarị gbẹ́rẹ́ sáá ngéré kụ́rá bie. Ori (ọmbịnyẹ́) ákịkịm ọ pa igwagwaá Tamuno pịrị ọ sịbị ọgọ́nọ́ na pịghị túminị́ ma nimigha si n mịẹ siiamịẹnyẹ.

Jems 5:19

Ịyẹa mịnaapụ ḅọ́rọ́, ọmịna ḅụ ḅọ́rọ́ gbẹ́rẹ́ḅọ karakárá asọ ma wáriso sị mú ikelekelearị, sị jụghọ warị o daatụ́ghụ́ma karakárá asọ ma ḅụ,

1 Pita 2:25

Asọ irimáa ánáná fịnị ḅara anị ọ fịnị ḅára, kụ́ma mị́sa ọ pịghịma ḅo ọmịnị Ánánákúrúḅọ na pịghị o mịná biebẹ duma Kokoarịḅọ ma pịrịmam.