Hiburuapụ 4:2 - Ibani New Testament

² Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Hiburuapụ 4:2 Iomraidhean Croise

Fịrị Ḅara 13:46

Kuma Pọl na Banabas ḅáláfaghaa ḅara pa Tamuno ẹ́gẹ́rẹ́ ma dugho wásámam; ḅẹẹ, <

Fịrị Ḅara 3:26

Ọ pịghị Ebraham ḅẹẹ, i furobie págháḅo bẹ awọ ḅụ ḅọ́rọ́, a tuminikiri gbọrụ karịibimabẹm.>> [

Romapụ 2:25

Ị ḅọ́rọ́ ólóghó ma koko koko, ị́yẹ́ tọ́ngọ̄ pẹ́lẹ́ ma sọ́nyẹ ḅụ sọ́bẹm; kụ́ma ḅọ́rọ́ ịrị ólóghó ma kokogha kokogha, anị fịnị ḅárá sọ́ḅọ́rọ́ ịrị ị́yẹ́ tọ́ngọ̄ pẹlẹ so pẹ́lẹ́gha.

Romapụ 3:3

Ḅọ́rọ́ nna ḅụ jẹ́apụ minini nyanagha, nna minini nyánágha ma anị mịẹbẹ sị Tamuno mịnị sẹ́kụrọghaḅọ sọ?

1 Kọrịntịapụ 13:3

A ine a nyánányẹ gonyẹ́ gonyẹ́ die gálágálámabẹm pịghị ị́yẹ́ oju saghị pịrị ḅẹẹ nnị anị dọ́ghụ́ma, kụ́ma a ḅẹlẹma nyanagha nyanagha anị mịẹ i pịrị ibi ófóri.

Galesiaapụ 3:2

Ọ mịị gbẹ́rẹ́nyẹ ma dugho i pịrị, ọ Tamuno Tẹ́mẹ́ ma nyáná ḅo ólóghó ma warị ḅụ anịgha ibi oku ma náa sị pịghị anị minini ḅụ ḅọ́rọ́.

Galesiaapụ 3:8

Tọ́ndiri ma pághá bẹnyẹ ma dugho kórómamam ḅẹ́ Tamuno Juughaapụ ma pa ọ ḅụ na karakárá ḅụ ḅụ warịbẹm, minini ḅụ ḅọ́rọ́. Anịgo ibi oku ma dugho Ebraham pịrịmam ḅẹẹ, <<Ịḅụ ḅọ́rọ́ Tamuno tuminikiri sẹ gbọrụ karịibimabẹm>>.

Galesiaapụ 4:13

Ọ́ kọ́kọ́ nimi ḅẹ́ a goo ine Krais ibi oku ma akuoo ọ pịrịnyẹ, parị sáá ma ḅụ ọ ḅẹ́ a obim gosi.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Timoti 4:8

Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 3:12

I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

Hiburuapụ 4:6

Tarị ibi oku ma naapụ, ịnyọ́sárá ma nyánaḅogha, tegó nnị mininigha. Kụ́ma jẹ́apụ imi nnị warisoapụ ḅẹẹ nnị anị daákịị.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.