Hiburuapụ 1:3 - Ibani New Testament

³ Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

Hiburuapụ 1:3 Iomraidhean Croise

Matiu 22:24

Nnị warị ḅẹẹ, <

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 1:29

Anị ḅụ éné ḅa Jọn Jizọs arịm nwángị ọ fịnịnga ḅoarị warị ḅẹẹ, <

Ibi Oku Ma Jọn Anị Gịẹ Ḅara 1:4

Ọ ḅụbie anịị duma fịnịnyẹ, anị duma ma anịị túminị́ baá ma.

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Fịrị Ḅara 7:56

Ọ warị ḅẹẹ, <>

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Kolosiapụ 3:1

Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 1:13

Tamuno jéné na ọrẹ sookumuapụ ma ḅụ gbẹ́rẹ́ḅọ ḅẹgha, <>?

Hiburuapụ 10:12

Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Hiburuapụ 7:27

Ori isi opu igwagwaapụ ma kịkagha, éné gonyẹ́ gonyẹ́ ḅụ ọ parị igwagwaá ọri sii pịrịbịgha, sị pịghị igwagwaá túminị́ ma pịrị, ọ gbẹ́rẹ́ igwagwaá sámámgba pịrịm ori ọrẹ ojumẹnị pa pịrị sa.

Hiburuapụ 8:1

Wa dughoarị nyẹ́mámgba ḅẹarị ḅẹẹ wa ọkọfịnị igwagwaalaḅọ nyánam Opu Tamuno opu imine ma ámáḅara ḅụ kpọrọfịnị ḅo sobie.

Hiburuapụ 9:16

Tumḅọ ábálálá gịẹ sa n ḅara warị ori ngọ die bẹ ḅara, anị karakáram n die ḅẹ́ ngọ ma nyánáḅọ ma fịịmam tẹrẹmẹ nnị ori ngọ die.

Hiburuapụ 9:26

Anị ḅọ́rọ́ ọkọ ọkụ́ma, ọ tọgha tọgha igwa gwamam saghị tuminikiri saghị sa éné éné. Tụ́ma, mị́sa, anịsa mamgba kunema ḅụ, o ḅomam sị gbẹ́rẹ́ sáá, samamgba sii sịrị si, ori ọrẹ oju pa igwagwaá sii pịrị ḅara.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.

2 Pita 1:16

Wa Krais ma kụ́rọ na ori ḅoo gbolomanyẹ dugho ọ pịrị sa, wa túminị́ gbáa wa pịrị papa lụghụ gba ọ pịrịgha. Wamịnị wámịna tọ́rụ́ pa ori opu ma arịm.

2 Pita 1:17

Wamịnị anị ngaa imim Tamuno Daḅọ kuu na ipine pa ọ pịrịarị sa. Pụghọ kóróḅo ọ pịrị sa Sóghóloḅa Ipine ma bie, ḅẹ́, <>

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

Judu 1:25

wámịna Kpọ́kpọ́ gbẹ́rẹ́ Tamuno pịghị wámịna dụaḅọ́rọ́maḅọ, Jizọs Krais wámịna Nyánáḅọ ḅụ ḅọ́rọ́, ipine na, pẹrẹ na ịnyọ na kụ́rọ na, ḅọ́rọ́maa kụ́rá gbọrụ mamgba, na pịghị mị́sa akị mú ḅẹsá ḅẹsá láa! Anị ọkọ fịnịị.

Puu Findi 3:21

<

Puu Findi 4:11

<>