Filipaiapụ 4:8 - Ibani New Testament

⁸ Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

Filipaiapụ 4:8 Iomraidhean Croise

Matiu 22:16

Nnị nna ọḅụduaapụ fịrịma ọ damamum na pịghị Hẹrọd ogboapụ warị dugho ḅẹẹ, <

Ibi Oku Ma Mak Anị Gịẹ Ḅara 6:20

Hẹrọd Jọn dighi ḅáláfaarị tegó, o nimim ḅẹ́ Jọn ibi tumḅọ pịghị tọ́ntọ́ tumḅọ anịgosi ori ibima o koko wárim. Sáá mamgba ori ọ náa dọghụ dọ́ghụm, tụ́manyẹ ḅẹ́, ori ọ náa sáá gonyẹ́ gonyẹ́ ọ tẹ́mẹ́bie opuma ḅụḅáláḅálá pa ọ pịrịpịrịm.

Ibi Oku Ma Luk Anị Gịẹ Ḅara 16:15

O warị n ḅẹẹ, <<Ọmịnị anịị ọḅụ diearịnyẹ ḅẹẹ ọmịnị karakárá ibiamịẹnyẹapụ túminị́ tórúku ḅụ, kụ́ma Tamuno ọmịna kúkúbie nimim. Túminị́ pa opuma nyẹ́sị nyẹ anị bẹnyẹ bẹnyẹ ḅụ ofori Tamuno tórúku.

Ibi Oku Ma Luk Anị Gịẹ Ḅara 2:25

Anị sáá ma ḅụ gbẹ́rẹ́ owitụ́wọ imi nnị Simion, pa sịḅọ, Jerusalem ḅụ ori ngam ori ọ́ karakárá ibiamịẹnyẹ tumḅọ, Tamuno ḅẹlẹma nyẹ́ mịẹarịḅọ ọ pịghị Izirẹlị dụaḅọ́rọ́ma ma kuruarị, Tọ́ntọ́ Tẹ́mẹ́ ma so ọ nana imi.

Ibi Oku Ma Luk Anị Gịẹ Ḅara 23:50

Gbẹ́rẹ́ ibi owitụ́wọ imi karakárá ibiamịẹnyẹḅọ Josẹf anịị ori ẹ́rẹ. Ori ma anịị Juu ámátáapụ kubiri ogbo ma ḅụ gbẹ́rẹ́ḅọ,

Ibi Oku Ma Jọn Anị Gịẹ Ḅara 7:18

Amịna kụ́rọ ḅụ ẹ́gẹ́rẹ́kọarịḅọ gonyẹ́ gonyẹ́ ori boma dọghụarị, kụ́ma ọ fịrịmaḅọ ma boma dọghụarị ḅo gonyẹ́ gonyẹ́ anị tumḅọ ma anị karakárá ẹ́gẹ́rẹ́kọarịḅọ, iruonyẹ ọ ḅụ ofori.

Fịrị Ḅara 10:22

Nnị warị págháraa ḅẹẹ, <>

Fịrị Ḅara 22:12

<

Fịrị Ḅara 6:3

Anịgo, iyẹ nángwọ́apụ, ọmịna bie, ọ́ sọ́nọ́máapụ sẹlẹ pághámaḅo, Tọ́ntọ́ Tẹ́mẹ́ ḅụ biiapụ na pịghị ibima nyẹ nimiapụ, wa mị fịrị ma sághị ḅara suabẹapụ.

Romapụ 13:13

O ḅo wa karakárá ḅara pa wámịna duma kọọ, éné bie baá ḅụ duma kọọarịapụ ḅara, fị na ḅụ na ḅugha anịgha iru ḅụ tọ́rụ́ḅáma, sẹfị duma anịgha yáakuu ḅụ ófórigha nwángị, bịpị ogbosogha na tọ́rụ́akụ,

Romapụ 13:3

Táarịapụ ḅáláfanyẹ́ dighi karakárányẹ ma mịẹarịapụ pịrịgha, kụ́ma irima nyẹ ma mịẹarịapụ. Ị dọghụ ḅẹẹ, ị ịḅụ fọ́nyá pághámaḅo táarịḅọ ma ḅáláfa ḅarabie? Anịsa karakárányẹ ma mịẹ, n pịghị ị túmíníbẹm.

Romapụ 14:18

Túminị́ mị ḅara pa fịrịnwangị Krais pịrị sa, n Tamuno mịẹm o bieḅẹlẹ túminị́ pịghị ḅara pụ́nụ́ anị pịrị.

Romapụ 2:29

tụ́ma karakárá Juuḅọ anịị dada Juuḅọ biebẹ, anịḅọ ma Tọ́ntọ́ Tẹ́mẹ́ ma tọ́ngọ̄ pẹ́lẹ́ fịrị ma nwángịmam n ḅọ tẹ́mẹ́bie nnị gịẹ kóróma ólóghó ma anị fịrị ma nwángịgha. Ọkọfịnị tumḅọ Tamuno ḅara ḅo túminí nyanaḅoarị, túminị́ ḅara ḅo nyẹ́gha.

1 Kọrịntịapụ 4:5

Anịgosi gbẹ́rẹ́ḅọ sịbị sọ ḅẹ́rẹ́kọ ma sáá ma na laagha sáá. Kúruu, ákị múu Kị́nị́nyánáḅọ ma ḅoo sáá láa, ọ kánákánábie ḅọghunyẹ ma pa baá bie pághámaḅobẹm, túminị́ kúkúbie fịnị ḅọghunyẹ ma. Anịsáa anị túminị́ nna ḅụ gbẹ́ẹ̄ túminí nyánáḅọ bẹnyẹ Tamuno ḅara.

2 Kọrịntịapụ 13:7

Wa Tamuno tẹ́ghẹ́arị ḅẹ́ ọ gbẹ́rẹ́ irima nyẹ sọ mịẹma. Wa mịma mịẹghaa pa die ḅẹ́ wamịnị sáḅá ḅọ́rọ́mam, kụ́ma ọ karakárányẹ ma mịẹbẹ ḅara, tụ́manyẹ ḅẹẹ túminị́ tórúku, wa bịghịmaapụ dighi sọọ.

2 Kọrịntịapụ 6:8

Nnị wa sághị sóghólomam pịghị wa ḅụ́gịrịrịma, nnị wa wirim pịghị wa túminí, nnị epeletiapụ pa wa siim, anịsọ wa pa karakárányẹ ma dughom.

2 Kọrịntịapụ 8:18

Wa ori na, wámịna gbẹ́rẹ́ mị́naḅọ owitụ́wọ fịrịma ḅoarị sọsị mamgba opuma osigha nyáná pịrịḅọ, ọrẹ fịrị ḅụ, ọ Tamuno ẹ́gẹ́rẹ́ ma kọọ wásámaarị ḅara.

2 Kọrịntịapụ 8:21

Wa biiarị ḅẹẹ, wa karakárányẹ ma mịẹ, Kị́nị́nyánáḅọ tórúku ngéréghaa, kụ́ma túminị́ tórúku sọ.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Ẹ́fịsọsapụ 4:25

Anịgosi, ọmịnị iruo kọma! Ọ́rụ́ḅọ ọ́rụ́ḅọ tụ́manyẹ ma dugho amịna jẹ́ mininiḅọ pịrị tegó wamịnị mamgba, wamịnị gbẹ́rẹ́apụ Krais oju ma ḅụ.

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

Ẹ́fịsọsapụ 6:14

Anịgosi ọ tẹ́lẹ́ma fịnịị, karakárá ẹ́gẹ́rẹ́ pa ọmịna kundu kpọọ dii mịẹ, karakárá ibiamịẹnyẹ pa ọmịna kúkúbie gbẹ́ẹ̄ ẹ́fẹ́rẹ́ mịẹ,

Filipaiapụ 3:1

Kunemaá, ịyẹa mịnaapụ o bieḅẹlẹ ḅẹ ọmịnị Kị́nị́nyánáḅọ ma bie imii. A balagha sima parị a gịẹmaa nyẹ ma gịẹ anị pịghị sọnyẹ sọ ọ pịrịbẹm a ḅọ́rọ́ ọkọ mịẹmịẹ.

Kolosiapụ 4:5

Nyẹ́nimi ḅara pa ị́yẹ́ duma kọọ, mininighaapụ ma ogboku, ị nyána sáá ma pa ibifịrị ḅụ suu.

1 Tẹsalonaikaapụ 4:12

Mị ḅara ma Tamuno nimigha na mininighaapụ ma ọmịnị osibẹm ọ pịghị gbẹ́rẹ́ḅọ sọ tọ́rụ́ dighibịgha ọ pálịma nyẹ gosi.

1 Timoti 2:2

ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ.

1 Timoti 3:11

Nna taapụ sọ anịị túminị́ osigha pa pịrị na ḅụ́gbẹ́ ẹ́rẹ́, nnị jẹ́apụ pa ẹ́gẹ́rẹ́bịgha; tọ́rụ́ diinapụ, túminị́ pịghị nna ḅụ biegbana nyánam nyẹ gonyẹ́ gonyẹ́ ḅụ.

1 Timoti 3:4

Ori ine ibima ọ wárị tákúbiri na fiam mịẹsị ori awọ osigha ḅụ ọ bịpị púghú.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

1 Timoti 5:2

Dii pa ịnẹ́ngi ẹ́rẹ́ámáapụ ma akịị ị́yẹ́ nyingiapụ ḅara, i nẹ́ngị ẹ́rẹ́awọ ma akịị ị́yẹ́ ẹ́rẹ́mịnaapụ ḅara, fíafía tẹ́mẹ́ pa.

Taitọs 1:8

Tụ́ma igoniapụ datérémadi, ibinyẹ ḅẹlẹma ḅọ, ine ḅụ ọlọḅọ, karakárányẹ mịẹarịḅọ, oju pa tọ́ntọ́ ḅụ warịḅọ, ḅụ ọlọ karakárányẹ pịrịḅọ.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 2:2

Sẹnị owiapụ ma die ḅẹẹ, n tẹ́mẹ́ ọlọ, osigha nyáná nna ḅụ pịrị, ine ḅụ ọlọ, kụ́rọ sẹ nna minini ḅụ, nna ḅẹlẹma ḅụ na pịghị nna ngịrịma ḅụ.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Hiburuapụ 11:2

Minini ḅụ ḅọ́rọ́ olom sáapụ ma Tamuno boma nyánaḅom.

Hiburuapụ 13:18

Ọ pa tẹ́ghẹ̄ wa pịrị. Wa nimim ḅẹẹ wa fíafía tẹ́mẹ́ nyanam, wa pịghị karakárá nyẹ́ ma mịẹ dọghụm sámámgba.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

2 Pita 3:1

Ị́yẹ́ ibi nangwọapụ, mị mị́sa a gịẹ ọ fịrịma ma mmẹẹ́ kárámá ábálálá. Mịná mmẹẹ́ ábálálá ma ḅụ, a ḅụ́kọ́rọ́mamam si fíafía kóróma timi saghịma ọmịna tẹ́mẹ́bie, a mịnanyẹ ma pa ọmịna biekórómáarị ḅara.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.