Filipaiapụ 4:3 - Ibani New Testament

³ Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.

Filipaiapụ 4:3 Iomraidhean Croise

Ibi Oku Ma Luk Anị Gịẹ Ḅara 10:20

Kụ́ma o bieḅẹlẹma ḅẹẹ sitẹ́mẹ́ ọmịna bịpị osim, tụ́ma o bieḅẹlẹ ḅẹẹ sobie nnị ọmịna ẹ́rẹ gịẹmam.>>

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 16:12

Tịraifịna na Trifosa bii, opuma fịrịnwangị Kị́nị́nyánáḅọ ma pịrị ẹ́rẹ́ámáapụ. Ị́yẹ́ ibi nangwọ Pesis bii, Kị́nị́nyánáḅọ ma bie opuma fịrịnwangịmaá jẹa ọ́rụ́ḅọ.

Romapụ 16:9

Ubanusi sọ bii, wámịna jẹa fịrịnwangịḅọ Krais bie, na pịghị ị́yẹ́ ibi nangwọ Stasis.

Filipaiapụ 1:12

A biim ḅẹ́ o nimi ịyẹa nángwọ́apụ ḅẹ́ ịḅụ pághá nyẹ ma ibima ḅárásuamam sị mịẹsị ibi oku ma toruku muu.

Filipaiapụ 1:16

Mịnaapụ ma anị mịẹm ḅẹlẹma ḅụ, tegó nnị nimim ḅẹ́ Tamuno i pa ibi oku ma kọọ ọpịrịḅọ mịẹm.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:5

Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 4:2

Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie.

Kolosiapụ 1:7

Ọ Tamuno tọ́rụ́kụrụkụ́rụ́ ma gbolomanyẹ dáwọ ḅom Epafras ḅara, wámịna ibifịrị nwángị ḅụ gbẹ́rẹ́ḅọ, Krais ḅụ sẹ́kụrọ fịrịnwangịḅọ wámịna sịbị gosi.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.

Puu Findi 20:12

A pịghị fịịapụ ma arịm, duḅaapụ na káláapụ na sẹ́fịnịarị imine ma tórúku. Nnị tọgha diri findim anịsáa n pịghị jẹ́ diri findim, duma diri. Fịịapụ ma nnị n sịbị ḅẹ́rẹ́kọm n mịẹmáa nyẹ ḅụ ḅọ́rọ́ diri mamgbabie n gịẹ kóróma ḅara.

Puu Findi 20:15

Nnị nna ẹrẹ gịẹghaapụ dumaapụ ma diri bie nnị n pa kọrịfịnị ésiḅe ma ḅụ gbi suam.

Puu Findi 21:27

Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.

Puu Findi 3:5

Sọḅaapụ ma n pị́na bịtẹ pa mịị ḅara ma pa nnị suabẹm, a pịghị nna ẹrẹ sibịgha dumaapụ ma ẹrẹ diri bie. I Daa ma tórúku na ori sookumuapụ ma tórúku a dugho findibẹm ḅẹẹ nnị i nyẹẹ.