Filipaiapụ 3:3 - Ibani New Testament

³ Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 3:3 Iomraidhean Croise

Romapụ 1:9

Tamuno, a itẹ́mẹ́ gbọrụ pa susi pịrịarịḅọ, anịị ọ Tụwọ ma gboloma ibi oku ma dugho wásáma ḅụ, ori ma anịị ị́yẹ́ onyésẹ̄ḅọ a sámámgba ọ pa biekórómáarị ḅara

Romapụ 15:17

A Krais Jizọs na gbẹ́rẹ́ḅụ ḅụ fịnị ḅara ma, a ine bịpịkpọ ị́yẹ́ Tamuno fịrị ma pịrịm.

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

Romapụ 9:6

A dughogha ḅẹ́ Tamuno o minini nyẹ ma mịẹgha; tegó Izirẹlị furoawọ mamgbagha Tamuno awọ gosi.

2 Kọrịntịapụ 11:18

Kụ́ma tọghaapụ bịpịkpọ tuminikirinyẹ pịrịarị sa, irịsọ pịghị bịpịkpọbẹm.

Galesiaapụ 5:25

Tẹ́mẹ́ ma duma pa wa pịrịmam anịgo wámịnị ọ wáriso ọ wámịna duma bie ḅẹrẹtọ.

Galesiaapụ 6:16

Tamuno diin na ọrẹ lolomakúkúbie fịnị mịị dugho kóróma ẹ́gẹ́rẹ́ ma duaapụ pịrị, nna duma ḅụ na pịghị Tamuno túminị́ mamgba.

Ẹ́fịsọsapụ 6:18

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 3:12

Ḅẹgha ḅẹ́ a saḅa ḅọ́rọ́mam anịgha ḅẹ́ a kpainfamamam, a pa ịnyọ suarị a ine daḅo bẹ ḅara Krais Jizọs goo i daḅo ọ ḅụ pịrịnyẹ ma.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

Kolosiapụ 2:11

Ori na gbẹ́rẹ́ ḅụ ḅụ fịnị ḅụ anịị nnị ọmịnị tọ́ngọ̄ pẹ́lẹ́ nyẹ túminị́ ḅara pa pẹ́lẹ́ ngá nyẹ́gha, mịma anịị siiamịẹnyẹ duma ma pẹlẹsii, kụ́ma Krais ọ ḅara pa tọ́ngọ̄ ma pẹ́lẹm.

Judu 1:20

Kụ́ma ọmịnị ị́yẹ́ nangwọapụ ọ pa jụghọ jụghọ mịẹ sẹ́nịma ọmịna tọ́ntọ́ḅa minini ma ḅụ, Tọ́ntọ́ Tẹ́mẹ́ ma kụrọ pa tẹ́ghẹ̄.