Filipaiapụ 3:2 - Ibani New Testament

² Siiamịẹnyẹ mịẹarịapụ ma dọghụ pághámá ḅo, anị obiri ma kụ́rọ́ma dughoarịapụ ḅẹ tumḅọ tọ́ngọ̄ pẹ́lẹ́bẹm.

Filipaiapụ 3:2 Iomraidhean Croise

Matiu 24:10

Anịsáa ma ḅụ tọghaapụ minini ma wárịsóbẹm si jụghọ jụghọ dẹrịfị sị pịghị jụghọ jụghọ tarịbịgha.

Matiu 7:15

<<Ọmịnị ọ ḅụ ẹbị epele ikiakoroapụ ma gosi, nnị ọ dámáḅobẹm ánáná oju apara sua kụ́ma sughubie nnị piri obiri.

Matiu 7:6

<

Romapụ 2:28

Mịmámgba dughoarị ḅẹ́ túminị́ pa Juuapụ sịapụ mamgba Juuapụgha, tumḅọ pịghị Juuḅọgha, nnị n ḅọ tọ́ngọ̄ pẹ́lẹ́mam gosi,

2 Kọrịntịapụ 11:13

Mịná owiapụ ma nnị tụ́ma nfịrịmaapụghaa nnị mḅụ pa nfịrịmaapụ sị ḅara, kụ́ma nnị ọkọ fịnịgha, nnị nna fịrị ma pa oḅori pa kị́nị́ sịịarị, nnị nna ḅụ dimam sị túminị́ ḅẹẹ bẹ ḅara ḅẹẹ nnị karakárá Krais fịrịmaapụ.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Galesiaapụ 5:15

Kụ́ma ḅọ́rọ́ ḅẹ́ o pirinama ḅara pa ngá ọkụma, jụghọ jụghọ onwiarị jụghọ jụghọ kaa pẹ́arị, ọ ḅụ ẹbị anịgha ọ gbẹ́rẹ́ sáá jụghọ jụghọ gulugulumabẹm.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Filipaiapụ 3:19

Kọ́rịfịnị anịị nna kunema, tegó nna kálá Tamuno anịị nna fúro, n pa ḅụ́gịrịrị bẹnyẹ anịị n pa bịbịkpọarị nyẹ, mị tuminikiri gbolomanyẹ gonyẹ́ gonyẹ́ anịị n sịbịbie kịẹ pịrịarịnyẹ.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

2 Pita 2:22

Nna ḅụ pághányẹ dughoarị ḅẹ́ kaḅụ ma karakárányẹ: <> pịghị jẹ́, <>

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.

Puu Findi 3:9

Pughu! Mịị Satanị kubiri ogboapụ ma, ḅẹarịapụ ḅẹ́ nnị Juuapụ tụ́manyẹ ḅẹ́ nnị Juughaapụ, kụ́ma nnị iruonaapụ. A nnị mịẹbẹm sị n ḅoo sóghórókoro i ḅụọ angaá. Nnị kị́nị́mamgba nimibẹm ḅẹẹ a ọ ḅẹ́lẹ́mamam.