Filipaiapụ 3:1 - Ibani New Testament

¹ Kunemaá, ịyẹa mịnaapụ o bieḅẹlẹ ḅẹ ọmịnị Kị́nị́nyánáḅọ ma bie imii. A balagha sima parị a gịẹmaa nyẹ ma gịẹ anị pịghị sọnyẹ sọ ọ pịrịbẹm a ḅọ́rọ́ ọkọ mịẹmịẹ.

Filipaiapụ 3:1 Iomraidhean Croise

Matiu 5:12

Bieḅẹlẹ dụrụkụ tegó ọmịna gbẹ́ẹ̄ nyẹ opuma dụḅam sobie, ḅẹ́ anị gbẹ́rẹ́ ḅara ma anịị nnị ọ tórúku fịnị ikiakoroapụ ma pa tọ́rụ́siarịma ḅara.

Ibi Oku Ma Luk Anị Gịẹ Ḅara 1:47

I tẹ́mẹ́ pịghị Tamuno ḅụ dụrụkụarị ị́yẹ́ Dụaḅọ́rọ́maḅọ.

Romapụ 5:11

Kụ́ma anịma ngéréghaa, tego wa dụrụkụ Tamuno mịẹmáa nyẹ ma pịrịm wa Nyánáḅọ Jizọs Krais ḅụ ḅọ́rọ́, Tamuno nangwọapụ pa wa mịẹmáa ḅo.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Ẹ́fịsọsapụ 6:10

Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 4:4

Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 5:16

Bieḅẹlẹ sámámgba,

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

2 Pita 3:1

Ị́yẹ́ ibi nangwọapụ, mị mị́sa a gịẹ ọ fịrịma ma mmẹẹ́ kárámá ábálálá. Mịná mmẹẹ́ ábálálá ma ḅụ, a ḅụ́kọ́rọ́mamam si fíafía kóróma timi saghịma ọmịna tẹ́mẹ́bie, a mịnanyẹ ma pa ọmịna biekórómáarị ḅara.