Filipaiapụ 2:2 - Ibani New Testament

² Anịsáa mịẹsị ị́yẹ́ bieḅẹlẹ bii ọ gbẹ́rẹ́ tẹ́mẹ́bie nyáná ḅara, gbẹ́rẹ́ ḅẹlẹma, gbẹ́rẹ́nyẹ tẹ́mẹ́ ḅụ na pịghị ọ mịẹ dọghụnyẹ ḅụ.

Filipaiapụ 2:2 Iomraidhean Croise

Ibi Oku Ma Jọn Anị Gịẹ Ḅara 3:29

Ọ́rụ́ḅọ ma fịnị ọrụḅọyaḅọ ma pịrịm kụ́ma ọrụḅọyaḅọ ma nángwọ fịrịnwangị ọ pịrịarịḅọ ma ngása sẹ sị o pughu pughum, sị bieḅẹlẹ ori ọrụḅọyaḅọ ma pụghọ náa sáá. Mịị ị́yẹ́ bieḅẹlẹ ma ḅo furo bi ḅara.

Fịrị Ḅara 1:14

Ogboapụ ḅara n kobiri kobirim opuma sa ngúmágha pa, sị tẹ́ghẹ̄, nnị na ẹ́rẹ́ámáapụ ma, na pịghị Meri Jizọs nyingi, na pịghị ori amịna owiapụ.

Fịrị Ḅara 2:1

Dii a mmẹẹ́ si oyi findi Ḅọ́rọ́ Álálị ma ḅoo sáá, mininiapụ mamgba kobirim gbẹ́rẹ́ angaá ḅụ.

Fịrị Ḅara 2:46

Éné éné bie anịị nnị donaarị nyẹ ogboapụ ḅara Tamuoopuwarị ma bie, nnị pịghị nna fị́nyẹ fị gbólómam jụghọ jụghọ wárịbie bieḅẹlẹ kúkúbie na ḅụ siminima nna ḅụ,

Fịrị Ḅara 5:12

Tọgha ḅụ́gbérépuma fịrị anịị nfịrịmaapụ ma nwángịarị nyẹ túminị́ ma ogbobie. Mininiapụ mamgba ḅo kobiri kobirim nnị pa Solomọn ḅọ́rọ́ yọ sị ngaa.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

2 Kọrịntịapụ 2:3

Anị a go anị ábálálá ma gịẹ ọ pịrịnyẹ. A bigha ḅẹ́ a ọ damaḅo, sị i tẹmẹ miẹḅẹ́lémaapụ ma, ḅo i tẹ́mẹ́ miẹsima. A itẹ́mẹ́bie mininim ḅẹ́ ị bieḅẹlẹarị sa, ọmịnị mamgba sọ bieḅẹ́lẹ́bẹm.

2 Kọrịntịapụ 7:7

Ori ḅo ma ngéré wa bieḅẹ́lẹ́magha kụ́ma o dugho sị ọmịnị ọ tẹ́mẹ́kụ́rọ ma ḅara, o dugho wa pịrịm ọ dọghụ ḅara sị ọmịnị ị́yẹ́ arịị. Anị ọ ḅụ mịẹḅara, ọ pịghị sẹ kụ́rọ ḅara sị isibi fọ́nyá, anịma go mị́sa ị́yẹ́ bieḅẹlẹ ma parị angaá nyẹ ma nẹngịm.

Filipaiapụ 1:4

A pịghị tẹ́ghẹ́ ọ pịrị sa gonyẹ́ gonyẹ́, bieḅẹlẹ anịị a pa tẹ́ghẹ̄arị nyẹ.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Filipaiapụ 2:20

Ori anịị i tẹ́mẹ́ nimiḅọ ọ pịghị opuma ọmịna ḅụ ibi dọ́ghụm.

Filipaiapụ 4:2

Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie.

Kolosiapụ 2:5

Karakárányẹ ḅẹ́ ojumẹnị ḅụ a ọmịnị na ofori, kụ́ma tẹ́mẹ́ ḅụ a ọmịnị na imii, anị pịghị i bieḅẹ́lẹ́maarị nimiḅo ọ gbụ́nụ́nụ́ ḅara pa ọmịna duma kọarị ḅara ọmịna minini pịghị Krais ḅụ sẹ kụ́rọ ḅara.

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

2 Timoti 1:4

A ị́yẹ́ owu mingi pa biekóróma sáá, anị opuma i pụghọ tárịm ḅẹ́ a ị́yẹ́ arịị, sị a bieḅẹlẹ bẹ ḅara.

Fịlẹmọn 1:20

Anịgo ị mị́naḅọ owitụ́wọ, mịị ibi ma pa i mịẹ Kị́nị́nyánáḅọ gosi. Ị́ mị́naḅọ owitụ́wọ ḅara Krais bie, mịẹsị i tẹmẹ bieḅẹlẹ.

2 Jọn 1:4

Anị opu bieḅẹlẹ pa i pịrịm a dọghụpágháma ḅọ sa ḅẹ́ ị́yẹ́ awọ ma ḅụ jẹ́apụ karakárá ma ḅụ asọ nwángịarị, Daḅọ ma tọ́ọ wa pịrị ḅara.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.