Filipaiapụ 2:1 - Ibani New Testament

¹ Ọmịna duma Krais bie anị ḅọ́rọ́ kúkúbie kụ́rọ pa ọ pịrị pịrị, ori ḅẹlẹma anị ḅọ́rọ́ o biedịịnma diinma ọ Tẹ́mẹ́ ma na nwángị gboloma gboloma ọ pighi ibiamịẹnyẹ na lolomakúkúbie nyáná jụghọ jụghọ pịrị pịrị.

Filipaiapụ 2:1 Iomraidhean Croise

Ibi Oku Ma Luk Anị Gịẹ Ḅara 2:25

Anị sáá ma ḅụ gbẹ́rẹ́ owitụ́wọ imi nnị Simion, pa sịḅọ, Jerusalem ḅụ ori ngam ori ọ́ karakárá ibiamịẹnyẹ tumḅọ, Tamuno ḅẹlẹma nyẹ́ mịẹarịḅọ ọ pịghị Izirẹlị dụaḅọ́rọ́ma ma kuruarị, Tọ́ntọ́ Tẹ́mẹ́ ma so ọ nana imi.

Ibi Oku Ma Jọn Anị Gịẹ Ḅara 14:18

<

Ibi Oku Ma Jọn Anị Gịẹ Ḅara 14:27

<

Ibi Oku Ma Jọn Anị Gịẹ Ḅara 17:13

<

Fịrị Ḅara 2:46

Éné éné bie anịị nnị donaarị nyẹ ogboapụ ḅara Tamuoopuwarị ma bie, nnị pịghị nna fị́nyẹ fị gbólómam jụghọ jụghọ wárịbie bieḅẹlẹ kúkúbie na ḅụ siminima nna ḅụ,

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 5:5

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

Romapụ 8:26

Anị gbẹ́rẹ́ ḅara ma Tẹ́mẹ́ ma sọ ḅo ḅárásua wa pịrịm wámịna ịnyọ ófórigha ḅụ. Ḅẹẹ, wa nimigha wa ḅara warị tẹ́ghẹ̄ bẹ ḅara; Tẹ́mẹ́ ma ọ ḅụgbọrụ ine ẹ́gẹ́rẹ́ kọbịgha inighi pa Tamuno tẹ́ghẹ̄arị wámịna sịbị ọ́gọ́nọ.

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

1 Kọrịntịapụ 15:31

Ijẹa mininiapụ, a fịị na tọ́rụ́ donaarị éné gonyẹ́ gonyẹ́ ḅụ. A bịpịkpọ ḅara pa mịma dughom wa nyáná duma gosi Krais Jizọs wámịna nyánáḅọ bie, wa ori na gbẹ́rẹ́ ḅụ mịẹ sáá.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

2 Kọrịntịapụ 13:14

Wámịna Nyánáḅọ Jizọs Krais tọ́rụ́kụrụkụ́rụ́, Tamuno ḅẹlẹma, na Tọ́ntọ́ Tẹ́mẹ́ ma mịẹgbólóma, ọmịnị kị́nị́mamgba na fịnịị.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 4:12

Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.