Filipaiapụ 1:8 - Ibani New Testament

⁸ Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Filipaiapụ 1:8 Iomraidhean Croise

Ibi Oku Ma Luk Anị Gịẹ Ḅara 1:78

Wamịna Tamuno ori lolomakúkúbie ḅụ ḅọ́rọ́ dụaḅọ́rọ́maḅọ pa wa pịrịbẹm, sọ́ḅọ́rọ́ sobie sághị kóróḅo baá, wamịna ọ́gọ́nọ biarị

Romapụ 1:9

Tamuno, a itẹ́mẹ́ gbọrụ pa susi pịrịarịḅọ, anịị ọ Tụwọ ma gboloma ibi oku ma dugho wásáma ḅụ, ori ma anịị ị́yẹ́ onyésẹ̄ḅọ a sámámgba ọ pa biekórómáarị ḅara

Romapụ 9:1

A tụ́manyẹ ma dughoarị Krais ḅụ mininiḅọ ḅara ḅụ a iruonyẹ dughogha, Tọ́ntọ́ Tẹ́mẹ́ ma ḅẹrẹtọ pịrịarị i tẹ́mẹ́bie pịghị onyẹsẹ́ i pịrịarị ḅẹ́ a iruonyẹ dughogha.

2 Kọrịntịapụ 13:9

Wa bieḅẹlẹm ḅẹẹ wámịna tẹ́mẹ́ oḅuu sáá gonyẹ́ gonyẹ́, ọmịnị kụrọm. Anịgo wa pịghị tẹ́ghẹm ḅẹẹ, nyẹ gonyẹ́ gonyẹ́ ḅụ ọ kpain.

2 Kọrịntịapụ 6:12

Wa minigha wa tẹ́mẹ́bie gbẹ́ẹ̄ ọ pịrịapụ, kụ́ma ọmịnị anị ọmịna tẹ́mẹ́bie ịkasị wa pịrịapụ.

2 Kọrịntịapụ 7:15

Anịma go ọ nyáná ọ pịrị ḅẹlẹma warị sághị sẹnị kụ́rọ, o biekóróma sa ḅẹ́ ọmịnị kị́nị́mamgba ọmịnị ori againma akị bim, ọ pịghị ḅáláfama na osigha ḅara pa ọ daa kóróma ḅara.

Galesiaapụ 1:20

Karakárányẹ anịị a gịẹárị nyẹ, Tamuno nimim ḅẹ́ a iruoghaa.

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Filipaiapụ 2:1

Ọmịna duma Krais bie anị ḅọ́rọ́ kúkúbie kụ́rọ pa ọ pịrị pịrị, ori ḅẹlẹma anị ḅọ́rọ́ o biedịịnma diinma ọ Tẹ́mẹ́ ma na nwángị gboloma gboloma ọ pighi ibiamịẹnyẹ na lolomakúkúbie nyáná jụghọ jụghọ pịrị pịrị.

Filipaiapụ 2:26

Anị opuma ọ pụghọ tárịarị ḅẹ́ ori ọmịnị kị́nị́mamgba arịị anị pịghị ọ ḅụ ḅáláḅálámam ọ náa sáá ḅẹ́ ori obii fịịfịị ḅára fịnịm.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

Kolosiapụ 2:1

A biim ḅẹ́ ọ nimi a ọmịna sịbị go na pịghị Laodisiya ḅụ fịnịapụ sịbị go a tọ́rụ́siarị fịrịnwangị ọ pịrị lamamáa ḅara na pịghị jẹ́ éné na tọ́rụ́ pa ị́yẹ́ árịghaapụ ma sịbị.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Tẹsalonaikaapụ 2:5

Ọ Kọkọ ibima nimi ḅẹ wa ḅẹlẹ bịpị ẹ́gẹ́rẹ́ pa ọ́ dámaḅogha anịgha wa ọ damaḅo so ḅọ́rọ́ wamịnị ibi oku ma pa sọ́nyẹ mịẹ dọghụnyẹ ọmịna ḅara. Tamuno anịị wámịna onyésẹ̄ḅọ.

1 Tẹsalonaikaapụ 2:8

Wa nyáná ọ pịrị ḅẹlẹma gosi, wa tẹ́lẹ́mamam ibi oku ma ngéréghaa wa dugho wásáma ọ pịrị ḅẹnyẹ kụ́ma wámịna duma sọ tegó ọmịnị opuma wa ḅụ nyẹ́lam.

2 Timoti 1:4

A ị́yẹ́ owu mingi pa biekóróma sáá, anị opuma i pụghọ tárịm ḅẹ́ a ị́yẹ́ arịị, sị a bieḅẹlẹ bẹ ḅara.

Fịlẹmọn 1:12

A ọ fịrịma ḅọ ị pịrịarị, ori ịḅụ nyẹ́lam.

Fịlẹmọn 1:20

Anịgo ị mị́naḅọ owitụ́wọ, mịị ibi ma pa i mịẹ Kị́nị́nyánáḅọ gosi. Ị́ mị́naḅọ owitụ́wọ ḅara Krais bie, mịẹsị i tẹmẹ bieḅẹlẹ.

1 Jọn 3:17

Tuminikiri ngọ ma nyánáḅọ fịnịfịnị si nyẹ́ pálịma mị́naḅọ árị, kụ́ma mịnị dighi ḅụ́jịrịrị nyáná ọ pịrịgha, ine dughobịgha ḅẹ́ Tamuno ḅẹlẹma n ḅọ ḅụ imi.