Filipaiapụ 1:7 - Ibani New Testament

⁷ Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 1:7 Iomraidhean Croise

Fịrị Ḅara 20:23

Tụ́ma a láa opu ama gonyẹ́ gonyẹ́ ḅụ Tọ́ntọ́ Tẹ́mẹ́ ma i biri nụ́nụ́arị ḅẹ́ ịkóli na ḅụḅáláḅálá na i kúruarị.

Fịrị Ḅara 21:33

Sịbịdáaḅọ ma warị Pọl dama mú sị o kuu, warị ḅẹ́ nnị mmẹẹ́ ịkóli pa Pọl kpọọ, ọ warị anịsáa gbíla ḅẹẹ, <>

1 Kọrịntịapụ 13:7

Ḅẹlẹma ngịrịma nyána nyẹ gonyẹ́ gonyẹ́ pịrịm, nyẹ gonyẹ́ gonyẹ́ mininim, nyẹ gonyẹ́ gonyẹ́ ḅụ tọ́rụ́ dighinyẹ nyánam, inema nyána nyẹ gonyẹ́ gonyẹ́ pịrịm.

1 Kọrịntịapụ 9:23

A mịná nyẹ mamgba mịẹm ibi oku ma gosi, sị a diekiri nyána bẹ ḅara anị ḅụ fịnị karịibima ḅụ.

2 Kọrịntịapụ 3:2

Ọmịnị anịị wámịna diri wa gịẹnyẹ wámịna tẹ́mẹ́bie, kị́nị́mamgba árị sị pịghị anịgoo.

2 Kọrịntịapụ 7:3

A mịma dughogha ḅẹẹ a ḅẹ́rẹ́ pa ọmịna ḅarasima, a parị dughomaaḅara ma ḅẹ́ ọmịnị opuma wámịna ḅụ nyẹ́lam ḅẹ́ sámamgba wamịnị na ọmịnị na imi, wa duma o wa fịị o.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 6:20

Mịị ibi oku ma gosi, ịrị sẹ oku muḅọ kụ́ma mị́sa ikóliwarịbie a imim. Ọ tẹ́ghẹ̄ i pịrị ḅẹ́ a ine ḅáláfagha ḅara pa ibi oku ma dugho wásámabẹm anị ḅụ́gbẹ́ ḅara.

Filipaiapụ 1:12

A biim ḅẹ́ o nimi ịyẹa nángwọ́apụ ḅẹ́ ịḅụ pághá nyẹ ma ibima ḅárásuamam sị mịẹsị ibi oku ma toruku muu.

Filipaiapụ 1:13

Anịgosi ámányánáḅọ warị ma kúruarịapụ mamgba na pịghị isiapụ mamgba nimim ḅẹ́ a ikólibie imim ịrị Krais omoniḅọ gosi.

Filipaiapụ 1:14

Ị́yẹ́ ịkóli bie fịnị ma, pịghị tọgha mininiapụ ma mịẹsị nnị tẹ́mẹ́kụrọ nyáná Kị́nị́nyánáḅọ ḅụ, si ine ibi oku ma dugho wásáma kụrọkúkúbie ḅụ na pịghị ḅáláfagha ḅụ.

Filipaiapụ 1:5

Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

Filipaiapụ 2:22

Ọmịnị kị́nị́mamgba nimim Timoti ọ ḅụ die maá ḅara ọ láanyẹ, ori na i nana, wa tụ́wọ na ọ daa na ḅara, wa fịrịnwangị gboloma maá ḅara ibi oku ma gosi.

Filipaiapụ 4:14

Kụ́ma ọmịnị ibiḅara mịẹm ḅẹ ọ ḅárásua i pịrịị ị́yẹ́ ḅụḅáláḅálá ma ḅụ.

Filipaiapụ 4:15

Ọmịnị Filipaiapụ, ọmịnị ibima nimii ḅẹ́ a Masidoniya wáriso sáá, a ịwọma ibi oku ma dugho wásámaarị sáá, ọmịnị ngéré anịị ḅárásua i pịrị sọsị, ọmịnị anịị ị́yẹ́ sọnyẹ na ị́yẹ́ faá ḅụ diekiri nyánáapụ.

Filipaiapụ 4:3

Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.

Kolosiapụ 4:18

Ịrị, Pọl, i ḅara na mịị sịbịpị ma gịẹ pa ọ fịrịmam. O biekóróma ḅẹẹ a ịkóli bie imii. Tọ́rụ́kụrụkụ́rụ́ ọmịnị na fịnịị.

Kolosiapụ 4:3

Pịghị tẹ́ghẹ̄ wa pịrịị ḅẹ́ Tamuno oku ma dugho wásáma ḅụ́pọ́ findi wa pịrị, sịị wa ine Krais ḅụ fịnị ḅụ́gbérépuma nyẹ ma dugho págháma mị́sa a goo ikólibie fịnịnyẹ.

1 Tẹsalonaikaapụ 5:5

Ọmịnị kị́nị́mamgba ọmịnị baá ma owiapụ awọ na pịghị éné ma awọ; wamịnị dii bie awọgha anịgha kánákáná awọ.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 2:9

A ibi oku ma dugho wásámam gosi a tọ́rụ́siarịm n pịghị ịkóli pa i ḅara suam sọ́ḅọ́rọ́ ịrị ologho kaa ḅo, kụ́ma Tamuno ẹ́gẹ́rẹ́ ma ịkóli anị ḅụ ofori.

Fịlẹmọn 1:13

A biibẹm ḅẹ́ a ọ pa mịnga warị, a ikólibie fịnịarị sa ibi oku ma go, si ori ị nwángị i pịrịarị fịrị ma nwángị.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

1 Pita 5:1

Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ.

2 Pita 1:13

A pa dumafịnị sa, anị ḅụ́gbẹm ḅẹ́ a mịnanyẹ ma pa ọmịna biekóróma.

1 Jọn 3:14

Wa nimim ḅẹ́ wa fịị ḅụ ḅọ́rọ́ mú duma bie sọmam; wa mịma nimim tegó wa mịnaapụ ma ḅẹ́lẹ́mam. Amịna mị́naḅọ ḅẹ́lẹ́maghaḅọ gonyẹ́ gonyẹ́ fịị kụ́rọ ma sughubie imii.