Filipaiapụ 1:5 - Ibani New Testament

⁵ Tegó ọ ḅárásua i pịrịmaá ḅara mịị ibi oku ma fịrị ḅụ, parị éné ma ḅụ akị ḅo mị́sa láa.

Filipaiapụ 1:5 Iomraidhean Croise

Fịrị Ḅara 2:42

Nnị warị sáá ngúmá nfịrịmaapụ ma ḅárabie nyẹ dáwọ pịghị mịẹgbólóma nyáná nnị pịghị mịẹgbólóma nyánam fị́nyẹ ḅụ na tẹ́ghẹ̄ ḅụ.

Romapụ 11:17

Nnị dipi olivu ma ḅụ n jẹa sị ḅara anyịmasim, n warị owi olivu sị ḅara pa anị na ḅọlọ gboloma. Ọmịnị Juughaapụ ma ọmịnị owi olivu sị ḅara ma kịkam, ọ warị mị́sa saghị Juuapụ tẹ́mẹ́ju ibi fị́nyẹ ma fịarị.

Romapụ 12:13

Ị nyánányẹ pa nyẹ́ḅụ kụ́rọ mịnaapụ ma na die, pịghị ḅụ́pọ́ findi igoniapụ pịrị.

Romapụ 15:26

Masidoniya na Akaya bie fịnị sọsị ma bieḅẹlẹ ḅụ nyẹ ósó pa ḅárásua Jerusalem bie fịnị sị minini igonyiapụ ma pịrịm.

1 Kọrịntịapụ 1:9

Tamuno anịị ọ ḅụ tẹ́mẹ́ gbánā na ibi ḅoo, Tamuno ori anịị ọ sịḅọ ḅẹẹ o ḅoo wámịna Nyánáḅọ Jizọs Krais, ọ Tụwọ na mịẹgbólóma nyáná.

2 Kọrịntịapụ 8:1

I Daa awọ, wa bim ḅẹ́ o nimi Tamuno tọ́rụ́kụrụkụ́rụ́ nwángịmáa fịrị mamgba Masidoniya ḅụ fịnị sọsị mamgbabie.

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Filipaiapụ 1:12

A biim ḅẹ́ o nimi ịyẹa nángwọ́apụ ḅẹ́ ịḅụ pághá nyẹ ma ibima ḅárásuamam sị mịẹsị ibi oku ma toruku muu.

Filipaiapụ 1:16

Mịnaapụ ma anị mịẹm ḅẹlẹma ḅụ, tegó nnị nimim ḅẹ́ Tamuno i pa ibi oku ma kọọ ọpịrịḅọ mịẹm.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 2:22

Ọmịnị kị́nị́mamgba nimim Timoti ọ ḅụ die maá ḅara ọ láanyẹ, ori na i nana, wa tụ́wọ na ọ daa na ḅara, wa fịrịnwangị gboloma maá ḅara ibi oku ma gosi.

Filipaiapụ 4:3

Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.

Fịlẹmọn 1:17

Anị ẹrẹ́sị, ị ḅọ́rọ́ ị́yẹ́ ákị ị́ jẹa fịrịwangiḅọ ḅara, pịghị anị ḅara ma pa ọ si akị ị ị́yẹ́ ákị bẹ ḅara.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

1 Jọn 1:3

Wamịnị árị pịghị namaa nyẹ ma anị wa pịghị dugho págháma ọ pịrịnyẹ, ọmịnị wamịnị na miẹgbolomáa nyáná bẹ ḅara, mị miẹgbolomáa ma, wa Daḅọ ma na anị nyanam na pịghị ọ Tụwọ Jizọs Krais.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.