Filipaiapụ 1:10 - Ibani New Testament

¹⁰ Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

Filipaiapụ 1:10 Iomraidhean Croise

Matiu 16:23

Jizọs tọ́rụ́ pighim sị Pita ḅẹẹ, <<Ị́yẹ́ ọḅụju sọọ, Satanị! Ịrị asọ mgbẹsẹ dapịrị sọ ị pịrịm; ḅẹẹ ịrị Tamuno ju ofori, kụ́ma túminị́ ju.>>

Matiu 26:33

Pita pagharam <<Ḅọ́rọ́ kị́nị́mamgba i wárịso mangị sọ, irị a i wárịso mangịbịgha.>>

Ibi Oku Ma Jọn Anị Gịẹ Ḅara 1:47

Jizọs Natanieli árị sị ọ ḅoarị sáá, mịị o gboloma sị o dughonyẹ, <>

Ibi Oku Ma Jọn Anị Gịẹ Ḅara 3:20

Siiamịẹnyẹ mịẹarị ḅo gonyẹ́ gonyẹ́ baá ma ḅẹlẹmagha n ḅo pịghị baá ma dámáḅobịgha ḅáláfa go, ḅẹẹ baá ma mịẹbẹm sị kị́nị́mamgba n ḅọ fịrị arịị.

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 12:9

Karakárá ḅẹlẹma nyáná, siinyẹ ḅẹlẹmama, ibinyẹ ma ọlọ sẹ maá.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

Romapụ 2:18

warị nimi Tamuno dọghụnyẹ ḅẹẹ, ọ mịẹ, ọ pịghị ólóghó ma ḅụ ḅọ́rọ́ karakáráma nimimam irima nyẹ ḅụ;

Romapụ 7:16

A a mịẹdoghugha nyẹ ma mịẹarị sa, anị dughoarị ḅẹ́ a minim ḅẹ́ ólóghó ma karakáram.

Romapụ 7:22

Bẹ ị́yẹ́ duma bie Tamuno ólóghó ma koko i pụghọ tárịm.

Romapụ 8:7

Anịgo túminị́ ḅo Tamuno iruonaapụ sọm nna ojumẹnị ḅẹrẹtọ n pịrịarị sa; mịnaapụ ma Tamuno ólóghó ma kokogha, n pịghị ine anị kokobịgha.

1 Kọrịntịapụ 1:8

Ọ pịghị́ ọ mịẹbẹm bịpị ọ ḅụ laagha mú kunema láa, wámịna Nyánáḅọ Jizọs Krais pịghịma ḅo bẹ éné.

1 Kọrịntịapụ 10:32

Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.

1 Kọrịntịapụ 8:13

Mịma goo, ḅọ́rọ́ a fịarịnyẹ mịẹbẹm sị i jẹa mininiḅọ siinyẹ bie sọọ a mịnị jẹ́ pa nama pẹẹ́bịgha, sị a mịnị jẹ́ pa mịẹbịgha sị i jẹa mininiḅọ ma bịghị.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 6:3

Wa bigha gbẹ́rẹ́ḅọ sọ irima nyẹ árị wámịna fịrị ḅụ, anịgo wamịnị sọ wa ḅụ́kọ́rọ́maarị wamịnị asọ mgbẹsẹnyẹ sọ gbẹ́rẹ́ḅọ sọ pịrịbịgha ḅara.

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

Galesiaapụ 5:11

Ị́yẹ́ a mịnaapụ, ḅọ́rọ́ ḅẹ́ a pa tọ́ngọ̄ pẹ́lẹ́ mịẹnyẹ gbolomanyẹ dugho wásámaarị n tegósi pa i pa tọ́rụ́siarịmaarị? Ḅọ́rọ́ anịma karakárányẹ, Krais mgbẹsẹ sị́ gboloma sị a dugho wásámaarị nyẹ ma ḅẹ́rẹ́ dighibịgha.

Ẹ́fịsọsapụ 4:15

Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.

Ẹ́fịsọsapụ 5:10

pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo.

Ẹ́fịsọsapụ 5:27

Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Filipaiapụ 1:16

Mịnaapụ ma anị mịẹm ḅẹlẹma ḅụ, tegó nnị nimim ḅẹ́ Tamuno i pa ibi oku ma kọọ ọpịrịḅọ mịẹm.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 5:21

Nyẹ gonyẹ́ gonyẹ́ daádighi, ibinyẹ ma ọlọ kụ́rọ́maá.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Puu Findi 2:2

A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ.