Filipaiapụ 1:1 - Ibani New Testament

¹ Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 1:1 Iomraidhean Croise

Ibi Oku Ma Mak Anị Gịẹ Ḅara 13:34

Anị fịnị bẹ ḅara anịị warị wáriso sị nyẹ muu owitụ́wọ sị wárị kóróma ori ómóniapụ pịrị, anịị ọ fịrị pa ọ́rụ́ḅọ ọ́rụ́ḅọ pịrị so máare, n ḅọ mịẹbẹnyẹ, pịghị ḅụ́pọ́ kuruḅọ ma ḅẹẹ ọ ḅụ́pọ́ kuruu.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Fịrị Ḅara 1:20

Nnị kọkọ gịẹ kóróma fíafía Núme diri bie ḅẹẹ, << <Ọ wárị kị́nị́ ofori wárị sọọ; Gbẹ́rẹ́ḅọ sọ anị bie ngaa ma.> Nnị kọkọ pịghị gịẹ ḅẹẹ, <<

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Fịrị Ḅara 9:13

Ananayas warị pagharaa, <

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

1 Kọrịntịapụ 16:10

Ḅọ́rọ́ Timoti ḅọ ḅoo, árị ḅẹ́, ori ọmịnị na fịnị samamgba ọ gbẹ́rẹ́ ḅáláfama nyẹ arịbịgha, ḅẹ́ ọ Tamuno fịrị ma nwángịarị ịrịsọ nwángịarị ḅara.

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

Galesiaapụ 1:10

Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Ẹ́fịsọsapụ 1:15

Mịma gosi, a ọmịna minini náa sáá éné éné Kị́nị́nyánáḅọ Jizọs ḅụ pịghị ọ nyáná ḅẹlẹma Tamuno tọ́ntọ́apụ mamgba fịnị angaá,

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Filipaiapụ 2:19

Anị ḅọ́rọ́ Tamuno ḅụ ḅẹ́leḅẹ́lẹ a tọ́rụ́dighiarị ḅẹ́ a Timoti fịrịma ḅo ọ pịrịbẹm ḅọlọghaa sáá ḅụ si a ọ gbolomanyẹ náa anị i tẹ́mẹ́ miẹḅẹ́lẹ́mabẹm.

Filipaiapụ 2:5

Krais Jizọs nyáná mịẹ mịẹnyẹ ma anịị ọmịnị sọ nyáná bẹnyẹ.

Filipaiapụ 3:12

Ḅẹgha ḅẹ́ a saḅa ḅọ́rọ́mam anịgha ḅẹ́ a kpainfamamam, a pa ịnyọ suarị a ine daḅo bẹ ḅara Krais Jizọs goo i daḅo ọ ḅụ pịrịnyẹ ma.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

1 Tẹsalonaikaapụ 1:1

Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

2 Tẹsalonaikaapụ 1:1

Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.

2 Tẹsalonaikaapụ 1:10

O ḅomaẹrẹ anị éné ma sị o boma daakị bẹ ḅara ọra túminị́ mamgba ḅárábie na pịghị kuu, mininiapụ mamgba ḅarabie. Ọmịnị sọ nna ḅụ gbẹ́rẹ́apụ sọbẹm tegó ọmịnị wa dugho ọ pịrị oku ma minimam.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

1 Timoti 3:8

Tamuno kubiri ogbo ḅárásúapụ anịị túminị́ osigha nyáná pịrị na fịaapụ, oḅori pa kị́nị́ sịịghaapụ; nnị opuma iru ḅuubịgha anịgha ngara ḅụ ḅo igbii ḅẹlẹma;

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Fịlẹmọn 1:1

Mịị diri ma irị Pọl ḅara anịị anị sághị ḅoo nyẹ, irị ikólinaḅọ Krais Jizọs fịrị ma gosi. Timoti wámịna mị́naḅọ owitụ́wọ minini ma ḅụ i nana mị diri ma pa Fịlẹmọn wámịna nángwọ pịghị fịrịnwangị ḅụ gbẹ́rẹ́ḅọ fịrịmaarị.

Hiburuapụ 13:23

A dọ́ghụm o nimi wámịna numboru owitụ́wọ Timoti, ori ikólibie págháḅomam ori álála ḅo ḅo, a ọ nana ḅobẹm sị ọmịnị ori arịị.

Jems 1:1

Mịị diri ma, Tamuno ómóniḅọ na pịghị Jizọs Krais ómóniḅọ Jems ḅara anịị anị sághị ḅo nyẹ. A sịbịpị pa Tamuno túminị́ mamgba sịarị nnị gálágálámáapụ tuminikiri gbọrụ.

1 Pita 2:25

Asọ irimáa ánáná fịnị ḅara anị ọ fịnị ḅára, kụ́ma mị́sa ọ pịghịma ḅo ọmịnị Ánánákúrúḅọ na pịghị o mịná biebẹ duma Kokoarịḅọ ma pịrịmam.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.

Puu Findi 1:1

Mịị diri ma bie fịnịnyẹ anịị Jizọs Krais diepágháma nyẹ́. Tamuno mịị diepágháma nyẹ ma pa ọ pịrịm sị ọ pa ori fịrịnwangịapụ die pághá bẹnyẹ ḅọlọghaa sáá ḅụ. Krais mịẹm sị ori a fịrịnwangịḅọ Jọn mịnanyẹ ma nimii ori ọrẹ sookumuḅọ fịrịma ọ pịrị ḅara.

Puu Findi 1:20

Mịị ḅọghu sị túminị́ nimigha nyẹ, ị́yẹ́ amaḅara bie fịnị sị ọmịnị árị sọ́nọ́ma ḅálōló ma sẹ́pịrịnyẹ, na pịghị odoḅala pa tẹ́mẹ́ tọndọ gbananyẹ ma sẹ́pịrịnyẹ: Sọ́nọ́ma ḅálōló ma anịị sọ́nọ́ma sọsị ma sookumuapụ, Sọ́nọ́ma tọndọ gbananyẹ ma anịị Sọ́nọ́ma sọsị ma.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 2:12

<

Puu Findi 2:8

<

Puu Findi 22:9

Kụ́ma ori i ḅẹ́m, <>