Fịlẹmọn 1:10 - Ibani New Testament

¹⁰ Á ị tẹ́ghẹ́arị Onisimọs sịbị ọgọ́nọ́, mị́sa tụwọ sọọ i pị́rị́máaḅọ Krais bie, a pa ịkóliwárị ma bie fịnị sa, a ḅo Krais bie daa sọọ ọ pịrịmam.

Fịlẹmọn 1:10 Iomraidhean Croise

Ibi Oku Ma Mak Anị Gịẹ Ḅara 9:17

Gbẹ́rẹ́ tumḅọ túminị́ ogbo ma bie ọ pagharam ḅẹ́, <

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

1 Kọrịntịapụ 4:14

A mịma gịẹ ọ pịrịarị ḅẹẹgha ḅẹ́ a ọ ḅụ́gịrịrịma dọ́ghụm kụ́ma a againma pa ọ pịrịbẹ ḅara a ḅẹlẹma awọ ḅara.

1 Kọrịntịapụ 4:15

Ḅọ́rọ́ Krais bie, ọ túminị́ gbẹ́rẹ́ pughu na sọ́nọ́a ndẹ́ẹ nyanam dighidighiapụ ḅara, ọ tọgha daapụ nyanagha Krais Jizọs ḅụ, a dugho wásáma ọ pịrị ibi oku ma ḅụ ḅọ́rọ́ a daá sọ ọ pịrịmam.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Kolosiapụ 4:9

Ori Onisimọs na ḅoarị, wa ḅẹlẹma numboru owitụ́wọ pịghị sẹ́kụrọ ḅo, ori ma pịghị ọmịna ḅụ́gbẹrẹḅọ. Nnị mịnga págháarị nyẹ mamgba dugho ọ pịrịbẹm.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

Fịlẹmọn 1:11

Gbẹ́rẹ́sa biri, ọ sọnyẹ sọ ị pịrịgha, kụ́ma mị́sa ọ sọ́nyẹ sọ ị́ pịrịm, pịghị sọ́nyẹ sọ i pịrịị.

Fịlẹmọn 1:13

A biibẹm ḅẹ́ a ọ pa mịnga warị, a ikólibie fịnịarị sa ibi oku ma go, si ori ị nwángị i pịrịarị fịrị ma nwángị.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.