Fịlẹmọn 1:1 - Ibani New Testament

¹ Mịị diri ma irị Pọl ḅara anịị anị sághị ḅoo nyẹ, irị ikólinaḅọ Krais Jizọs fịrị ma gosi. Timoti wámịna mị́naḅọ owitụ́wọ minini ma ḅụ i nana mị diri ma pa Fịlẹmọn wámịna nángwọ pịghị fịrịnwangị ḅụ gbẹ́rẹ́ḅọ fịrịmaarị.

Fịlẹmọn 1:1 Iomraidhean Croise

Fịrị Ḅara 16:1

Pọl nyẹ́mu mú Dẹẹbụ lam sị anị ngá ḅọ́rọ́ mú Listira láa, gbẹ́rẹ́ Krais ọḅụduaḅọ Timoti ngá angaá, o nyingi, árị sọ mininiḅọ pịghị Juu ḅo, kụ́ma ọ daa Girikiḅọ.

1 Kọrịntịapụ 3:9

Wamịnị kị́nị́mamgba wamịnị gbẹ́rẹ́ fịrịnaapụ fịrịnwangị Tamuno pịrịarị, ọmịnị ma anịị Tamuno duakiri. Ọmịnị anị pịghị Tamuno wárị ma.

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 6:20

Mịị ibi oku ma gosi, ịrị sẹ oku muḅọ kụ́ma mị́sa ikóliwarịbie a imim. Ọ tẹ́ghẹ̄ i pịrị ḅẹ́ a ine ḅáláfagha ḅara pa ibi oku ma dugho wásámabẹm anị ḅụ́gbẹ́ ḅara.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 2:25

A sịbịbie kiẹarị ḅẹ́ a sima Epaforoditọs wámịna numboru owitụ́wọ pa ọ fịrịma ibima fịrịnwangimaaḅọ pịghị iju owusọ máaḅọ ori ma pịghị ọmịna oku muḅọ sọm o nyána i pịrịarị ḅárásua gosi.

Filipaiapụ 4:3

Ịrịsọ ị́yẹ́ ibi árụ́ḅọ, a biim ḅẹ́ i ḅárásua mịná ẹ́rẹ́ámáapụ ma pịrị, nnị ịnyọfama i nana fịrịnwangịmam ibi oku ma dugho wásáma ḅụ, nnị na Kilementi na pịghị ijẹa fịrịnwangịapụ, nna ẹ́rẹ́ Kị́nị́nyánáḅọ duma diri ma bie fịnịapụ.

Kolosiapụ 1:1

Irị Pọl, Krais Jizọs fịrịmaḅọ, Tamuno ma tọ́ọ ḅárá ḅụ, anịị mịị diri ma gịẹ ọ fịrịmaarịḅọ. Timoti wámịna numboru owitụ́wọ na ịrị na mịị diri ma pa ọ fịrịmam.

Kolosiapụ 4:11

Jọsụwa n pịghị Jọstọs pa sịḅọ sọ fịrịmam ḅẹ́ a o bii. Mịná tẹ́rẹ́apụ ma ngéré anịị a nyáná sị ịrị na fịrịnwangịarị Juuapụ Tamuno kọnsịn ma gosi, nnị pịghịị diepághámamam ḅẹ́ nnị ị́yẹ́ ḅárásúapụ.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

2 Tẹsalonaikaapụ 1:1

Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

Fịlẹmọn 1:23

Epafras i jẹa ikólinaḅọ Jizọs Krais fịrị ma go ḅẹm a obifama.

Fịlẹmọn 1:24

Mak, na Aristakọs, na Demas na pịghị Luk í jẹa fịrịnwangịapụ ḅẹm a o bii.

Fịlẹmọn 1:9

Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ.