Ẹ́fịsọsapụ 5:3 - Ibani New Testament

³ Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie.

Ẹ́fịsọsapụ 5:3 Iomraidhean Croise

Matiu 15:19

Ḅẹẹ tẹ́mẹ́ ma bie anịị sii kóróma, kị́nị́ḅáa, amadọghụ, yáakuu ḅụ ofori nwángị, fúrú, iruo onyẹ́sẹ, kị́nị́ dughosima.

Ibi Oku Ma Luk Anị Gịẹ Ḅara 12:15

Ọ warị pịghị túminị́ ma ḅẹ́, <<Ọmịnị ọ tọ́rụ findi! Ọmịnị ọ ḅụ ẹbị ngéré fị duma pịrị, tumḅọ duma ma n pa anị mịẹnyẹ tumḅọ nyáná ngọ mamgbagha.>>

Ibi Oku Ma Luk Anị Gịẹ Ḅara 16:14

Farisiiapụ ma mịma náa sáá, n saghị Jizọs kombom nnị igbii ḅẹ́lẹ́mam gosi.

Fịrị Ḅara 15:20

Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

Fịrị Ḅara 20:33

Na a jụghọ pị́naḅala anịgha jụghọ odoḅala anịgha jụghọ suabịtẹ mọnịghaa.

Romapụ 1:29

Tọ́rụ́kịrịkị́rị́ nyẹ pa kịnịlama, siiamịẹnyẹ, oputọrụ, kịnịtárigha, jughonyẹ mọnị, anịị nna duma bie bii nyẹ, kị́nị́ḅáa, owu soo, oḅori pa kị́nị́ sị, na jẹ́apụ sii dọghụ. Nnị jụghọ jụghọ pa bịpị ḅẹ́lẹ́maarị,

Romapụ 16:2

Ọmịnị a daakị Kị́nị́nyánáḅọ ma ẹrẹ ḅụ, Tamuno túminị́ mịẹ na ibiḅara sị a bi ḅárásua gonyẹ́ gonyẹ́ pa a pịrị, tegó a ḅárásua nyáná wámịna ḅụ tọghaapụ pịrịmam ịrịsọ nna ḅụ gbẹ́rẹ́ḅọ.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

1 Kọrịntịapụ 10:8

Wamịnị ama nwángị duma kọọbịgha, nna ḅụ jẹ́apụ kọọ ḅara, anịgosi gbẹ́rẹ́ éné túminị́ a mmẹẹ́ pughu tẹ́rẹ́ faá si a ndẹ́ẹ na oyia si sóghóró korom sị fịị.

1 Kọrịntịapụ 5:1

Mị́sa nnị opuma anị dughoarị ḅẹẹ yáakuu ḅụ ofori nwángị kọọma opuma kiriakịarị ọmịna ogboku bie, ọmịnị sọsị bie fịnịapụ, anị si láa ḅara, Tamuno nímighaapụ ma sọ ine ọkọfịnị nyẹ miẹbịẹghaa. Nnị dugho i pịrịm ḅẹẹ jẹa owiapụ nna daa taa na múnoarị!

1 Kọrịntịapụ 6:13

Gbẹ́rẹ́ḅọ ḅẹẹbẹm ḅẹẹ, <> Kụ́ma Tamuno mịná mmẹẹ́ ma gulugulumabẹm, ojumẹnị ma anịị tumḅọ pa yáakuu ḅụ ofori nwángị kọọ bẹ nyẹ́gha, kụ́ma nnị anị pa fịrịnwangị Tamuno pịrịị. Tamuno anịị pịghị oju ma siḅearị ḅọ

1 Kọrịntịapụ 6:18

Mangịị soo yáakuu ḅụ ofori nwángị ḅụ. Tumḅọ mịẹarị sii mamgba nna oju na mịẹnyẹ nyanagha, kụ́ma yáakuu ḅụ ofori nwángị kọḅọ siinyẹ pa amịna oju mịẹm.

2 Kọrịntịapụ 12:21

Ḅáláfa ịḅụ imii ḅẹẹ, a aningáa la bẹ sa parị sáá mịẹnyẹ, pịghị sima mịẹbẹm Tamuno i siminimabẹm ọmịna toruku. Ḅáláfa ịḅụ imi ḅẹ́ a owubẹm parị sa pa ịlọ́lị duma kọ́arịapụ gosi, na pịghị ḅụ́gịrịrịma duma kọ́arịapụ gosi.

Ẹ́fịsọsapụ 5:12

Anị opuma ḅụgịrịrịmam bịpị ḅụ dugho Tamuno nímighaapụ ma mịẹarịnyẹ ḅọghu angaá ḅụ.

Ẹ́fịsọsapụ 5:5

Ọmịnị ine nimitélémabẹm ḅẹ́ yáakuu ḅụ ofori nwángị kọarịḅọ, ịlọ́lị tumḅọ anịgha oputọrụ nyanaḅọ, ọkọ fịnịị nyẹ mịẹapụ diekiri nyánábịgha Krais na Tamuno amadakiri. Oputọrụ fịnị ḅara so ḅọ́rọ́ susi jẹ́ tamuno pịrị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Timoti 2:10

Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

2 Timoti 3:2

Túminị́ nna ḅụ ngéré ḅẹ́lẹ́mabẹm, igbii ḅẹlẹma, bịpịkpọ, opuamịẹnyẹ mịẹ, kị́nị́ wiri, nyingiapụ na daapụ na osigha, nyẹ tọ́rụ́sọgha, tọ́ntọ́ ḅụ ofori,

Taitọs 1:11

Mịná túminị́ ma árị ḅẹ́ sị n bịpị gbẹm nnị diearịnyẹ ma ḅụ, tegó nnị tọgha wárị gbọrụ daá irimaarị, nnị die na ḅụgbẹ́gha dienyẹ ma ḅụ ḅọ́rọ́. Nnị mịma mịẹarị ḅụ́gịrịrị igbii pụghọ gosi.

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Taitọs 2:3

Anị gbẹ́rẹ́ ḅara ma dugho sẹnị ẹ́rẹ́ámáapụ ma pịrị ḅẹ́ nnị nna ḅụ pa tọ́ntọ́ ḅụ warị ẹ́rẹ́ámáapụ duma kọọ na ibiḅara, n kị́nị́ dughosima ma anịgha omoni sọ iru pịrị kụ́ma nnị ibi nyẹ pa jẹ́apụ die.

Hiburuapụ 12:16

Gbẹ́rẹ́ḅọ so sẹ́fịma, anịgha Tamuno nimighaḅọ dighi Esọ o kiri dẹ́rịḅọ parị tụwọ ḅara gbẹ́rẹ́ fị́nyẹ bọlị gosi.

1 Pita 5:2

A ọ tẹ́ghẹ̄m ḅẹ́, ọmịnị ánánákúrúapụ sọ Tamuno pa ọ pịrị ánánáawọ́ ma pịrị, ọmịnị ọ tẹ́mẹ́bie gbọrụ pa n siḅe Tamuno ma bi ḅara. Ọ mịẹma sọ́ḅọ́rọ́ nnị pa ọ kọngọ kpọm ọ pịghị mịẹma igbii go. Kụ́ma kúkúbie fịrịnwangị Tamuno ma pịrị dọghụ tẹ́mẹ́.

2 Pita 2:10

Mịnaapụ anị ịlọ́lị si ojumẹnị tarị nyẹ gonyẹ́ gonyẹ́ mịẹarịapụ si Tamuno kụrọ pa nyẹ́sịghaa. Mị iruo nyẹ́dieapụ ma nnị kụrọ tọ́rụ́ nyánam, pịghị kị́nị́ osigha opuamịẹnyẹ nyáná nnị pịghị ḅáláfagha sị sobie opu sịbịdaapụ ma dughosima.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

Puu Findi 2:14

Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ.

Puu Findi 2:21

A sáá pa a pịrịmam ḅẹ́ árị arị sii ḅụ pịghị, kụ́ma a pịghị dọghụgha árị yáakuu ḅụ ofori nwángị duma ḅụ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.

Puu Findi 9:21

Nnị pịghị mịnị nna kị́nị́ḅáa sii ma ḅụ pịghịgha nna kirikiri egberi ikiakoro ḅụ pịghịgha nna yáakuu ḅụ ofori nwángị anịgha nna fúrú duma ḅụ.