Ẹ́fịsọsapụ 4:5 - Ibani New Testament

⁵ Gbẹ́rẹ́ Kị́nị́nyánáḅọ, gbẹ́rẹ́ minini, gbẹ́rẹ́ mingi sára;

Ẹ́fịsọsapụ 4:5 Iomraidhean Croise

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Fịrị Ḅara 10:36

O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.

Fịrị Ḅara 2:36

<>

Romapụ 3:30

Gbẹ́rẹ́ Tamuno ngéré anịị fịnịnyẹ, ọ mịẹm si Juuapụ ma karakárá ibiamịẹnyẹapụ sọ nna minini ḅụ ḅọ́rọ́ pịghị Juughaapụ ma pa karakárá ibiamịẹnyẹapụ so nna minini ḅụ ḅọ́rọ́.

1 Kọrịntịapụ 1:13

Nnị Krais die ogbo ogbo ḅụ kóróma ma? Pọl anịị mgbẹsẹ sị́ ọ́gọ́nọ fịị ọ́ pịrịḅọ? Nnị Pọl ẹrẹ ḅụ mingi pa ọ́ sara?

1 Kọrịntịapụ 1:2

wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

1 Kọrịntịapụ 12:5

Tọ́rụ́kịrịkị́rị́ fịrịnwangị ḅara imi; kụ́ma gbẹ́rẹ́ Kị́nị́nyánáḅọ ma anịị anị n fịrịnwangị pịrịarịḅọ.

1 Kọrịntịapụ 8:6

kụ́ma wamịnị gbẹ́rẹ́ Tamuno ngéré anịị wa nyánányẹ, Daḅọ ma, ori nyẹ gonyẹ́ gonyẹ́ tẹ́mẹ́ḅọ, wa pịghị duma ọ pịrịm, wa pịghị gbẹ́rẹ́ Kị́nị́nyánáḅọ nyanam Jizọs Krais, ọ ḅụ ḅọ́rọ́ anịị nnị nyẹ gonyẹ́ gonyẹ́ tẹ́mẹ́nyẹ, ọ ḅụ ḅọ́rọ́ anịị wa pịghị dumanyẹ.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 4:13

sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Filipaiapụ 2:11

kị́nị́mamgba warị dugho wásámabẹm ḅẹ́ Jizọs Krais ori anịị Kị́nị́nyánáḅọ ma, sị pa Tamuno Daḅọ ma boma.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.

Hiburuapụ 6:6

Anị ḅụdam mịị bịghịmáa túminị́ ma akuoo sị, n sima sii ḅụ pịghịị, nna mịẹnyẹ ma diearị ḅara ḅẹ́, nnị mmẹẹ́ kárámá sáá ḅụ, Tamuno Tụ́wọ ma báupálịarị, warị pịghị ọ pa opu ḅụ́gịrịrị bie sua.

Jems 2:18

Kụ́ma gbẹ́rẹ́ḅọ ḅẹẹbẹm ḅẹ́, <> A pagharaa bẹnyẹ, pa i die, tumḅọ minini nyáná si anị pa fịrị ḅụ suabịgha ḅara. A ị́yẹ́ minini pa i diebẹm ị́yẹ́ fịrị ḅụ ḅọ́rọ́.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

Judu 1:20

Kụ́ma ọmịnị ị́yẹ́ nangwọapụ ọ pa jụghọ jụghọ mịẹ sẹ́nịma ọmịna tọ́ntọ́ḅa minini ma ḅụ, Tọ́ntọ́ Tẹ́mẹ́ ma kụrọ pa tẹ́ghẹ̄.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.