Ẹ́fịsọsapụ 4:1 - Ibani New Testament

¹ Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:1 Iomraidhean Croise

Fịrị Ḅara 9:31

Anịị anị pághá ḅara ḅẹ́ Judiya gbọrụ fịnị mininiapụ na Galili na Sameriya diin arịm, Tọ́ntọ́ Tẹ́mẹ́ ḅárásua ḅụ ḅọ́rọ́ nna kịẹbịpị ḅo dụḅam nnị ịnyọ suam pịghị ḅáláfa nyána Kị́nị́nyánáḅọ pịrị.

Romapụ 11:29

Tamuno tẹ́mẹ́ dima dimagha ọ sẹlẹakiarị ḅọ na ọ karịibimaarịḅọ.

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

1 Kọrịntịapụ 4:16

Anịgosi a ọ tẹ́ghẹ̄m ḅẹẹ ọmịnị i daa a nyẹ mịẹ ḅara mịẹ.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 4:12

A ọ tẹ́ghẹ̄m ịyẹa mịnaapụ, ọmịnị; a fịnị ḅara fịnị. Tegó ịrịsọ ọ fịnị ḅará fịnịm. Ọ gbẹ́rẹ́ siinyẹ sọ pa i mịẹgha.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 2:6

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

Taitọs 2:10

anịgha n fúrú. Anịmanakaragha, nnị nna ḅụ die ḅẹ́ nna nyánáapụ ine nna ḅụ biegbánábẹm, mịma ḅụ ḅọ́rọ́ Tamuno wámịna Dụaḅọ́rọ́maḅọ dienyẹ ma kị́nị́mamgba anị ḅẹ́lẹ́mabẹm asọ mamgba ḅụ.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

2 Jọn 1:5

Anịgo, mị́sa ibi ọ́rụ́ḅọ, a ị tẹ́ghẹ̄m wamịnị kị́nị́mamgba jụghọ jụghọ ḅẹlẹma. Mịma ḅẹgha ḅẹ́ a jẹ́ ịwọ ólóghó gịẹ pa ọ fịrịmaarị, kụ́ma parị sa éné éné wa nimi ólóghó ma.