Ẹ́fịsọsapụ 3:8 - Ibani New Testament

⁸ Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 3:8 Iomraidhean Croise

Ibi Oku Ma Luk Anị Gịẹ Ḅara 14:22

<<Ḅọlọgha sáá ḅụ ómóniḅọ ma ḅo dughomam ḅẹẹ,

Ibi Oku Ma Jọn Anị Gịẹ Ḅara 1:16

Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Fịrị Ḅara 9:15

Kị́nị́nyánáḅọ warị ọ pagharaa: <

Romapụ 11:33

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Romapụ 12:10

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Romapụ 2:4

Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 15:9

Irị anị ịrụḅaḅọ nfịrịmaapụ mamgba ḅụ anịgo nnị nfịrịmaḅọ pa isi na ibighaa, tegó a Tamuno sọsị ma pa tọ́rụ́siarịmam.

1 Kọrịntịapụ 2:9

Anị fịnị ḅara, anịị Tọ́ndiri ma dugho ḅara, <>

Galesiaapụ 1:16

a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ.

Galesiaapụ 2:8

Tamuno ma kụ́rọ ḅụ nnị i pa nfịrịmaḅọ mịẹ Juughaapụ ma pịrịm, nnị Pita pa nfịrịmaḅọ mịẹ Juuapụ pịrị ḅara.

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 3:16

A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie.

Ẹ́fịsọsapụ 3:19

Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.

Ẹ́fịsọsapụ 3:2

Ọ naamam ḅẹ́ Tamuno ori tọ́rụ́kụrụkụ́rụ́ ḅụ mịị fịrị ma pa i pịrịmam ọmịna sịbị gosi.

Filipaiapụ 2:3

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii.

Filipaiapụ 4:19

I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

1 Timoti 1:13

Karakárányẹ ḅẹ́ ḅọ́rọ́maa sáá a ọ ḅụ siinyẹ dughom, ọ pa tọ́rụ́siarịmam pịghị ọ wiri, kụ́ma Tamuno lolomakúkúbie nyáná i pịrịm, tegó na a minini nyanagha gosi a pịghị nimigha a mịẹarịnyẹ.

1 Timoti 1:15

Mịị karakárá dughonyẹ, túminị́ gbẹ́rẹ́ sáá daakị si pịghị anị minini: Krais Jizọs tuminikiri ma ḅom sị o siiamịẹnyẹapụ dụaḅọ́rọ́ma. Ị́yẹ́ angaá sii ma pịghị kị́nị́mamgba nyẹ nẹ́ngii.

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

2 Timoti 1:11

Tamuno nfịrịmaḅọ na nyẹ́dieḅọ pa i tọọmam ḅẹ́ a ibi oku ma dugho wásámáa.

Puu Findi 3:18

A ọmịnị againmam, ḅẹ́ ọmịnị i ḅara odoḅala fẹ́ẹ, n fịnịbie dọ́ghụ́ma yóri yóri odoḅala sị ọmịnị ála sọọ bẹ ḅara. Pịghị pị́na pị́na bịtẹ fẹ́ẹ sị pa ọmịna ḅụ sua sị ọmịna ḅụ́gịrịrịma papa ḅụ ma gbẹ́ẹ̄ bẹ ḅara. Pịghị pulo fẹ́ẹ sị pa ị tọ́rụ taa, si i ine nyẹ árị bẹ ḅara.