Ẹ́fịsọsapụ 3:4 - Ibani New Testament

⁴ Ḅẹ́ ḅọ́rọ́ ọmịnị a gịẹnyẹ ma goo, o ḅo akanyaḅobẹm Krais gboloma sị a akanyaḅomaá ḅọghunyẹ.

Ẹ́fịsọsapụ 3:4 Iomraidhean Croise

Matiu 13:11

Ọ pagharam, <

Ibi Oku Ma Luk Anị Gịẹ Ḅara 8:10

Ọ warị n págháraa ḅẹẹ, <

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 4:1

Túminị́ Krais fịrịnwangịapụ ḅara pa wamịnị akị na ibim, n Tamuno ori ḅọghu karakáráma pa pịrịapụ ḅẹ́ nnị anị pa túminị́ die.

2 Kọrịntịapụ 11:6

Didigha ẹ́gẹ́rẹ́ pụghọ ḅụ ịrị kálátụwọ, kụ́ma níminyẹ ḅụghaa; sámámgba wa mịma mịẹmam sị o nimi tọgha tọgha asọ ḅụ.

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

Ẹ́fịsọsapụ 3:3

Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam.

Ẹ́fịsọsapụ 3:9

pịghị mịẹsị túminị́ mamgba árị, Tamuno ọ tọ́ọ ḅọ́rọ́ma sị ḅọghunyẹ ma anị kiriakị. Tamuno ori nyẹ gonyẹ́ gonyẹ́ tẹ́mẹ́ḅọ ori ḅọghunyẹ ma pa túminị́ ḅọghumam ḅọ́rọ́maa ḅụọ ḅụọ ḅụ.

Ẹ́fịsọsapụ 5:32

Póghóló pịghị ḅọghu karakárányẹ imi mị́sa págháa nyẹ mịị tọ́ntọ́ ẹ́gẹ́rẹ́ ma ḅụ, a akanyaḅom ḅẹ́ anị dughoarị nyẹ ma Krais na Tamuno kubiri ogbo ma gbolomam.

Ẹ́fịsọsapụ 6:19

Pịghị tẹ́ghẹ̄ i pịrị ḅẹ́ a bịpị findi sa gonyẹ́ gonyẹ́ ori oku pa i pịrịbẹm sị a ḅáláfaghaa ḅara ḅụ, a ine ibi oku ma ḅụ ḅọghunyẹ dugho wásáma bẹ ḅara.

Kolosiapụ 1:26

Olom sáá éné éné ḅụọ ḅụ ákị mú jẹ́ ḅụọ láa, n pa túminị́ ḅọghuma ḅụ́gbérépuma nyẹ kụ́ma mị́sa nnị anị mịẹ findi pa ori tọ́ntọ́apụ pịrịmam.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 4:3

Pịghị tẹ́ghẹ̄ wa pịrịị ḅẹ́ Tamuno oku ma dugho wásáma ḅụ́pọ́ findi wa pịrị, sịị wa ine Krais ḅụ fịnị ḅụ́gbérépuma nyẹ ma dugho págháma mị́sa a goo ikólibie fịnịnyẹ.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 3:9

Minini ma ḅụ n pa n diepágháma póghóló tụ́manyẹ ma nnị fíafía tẹ́mẹ́bie ḅụ anị ọlọọ sẹ́ma na fiam.