Ẹ́fịsọsapụ 2:8 - Ibani New Testament

⁸ Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Ẹ́fịsọsapụ 2:8 Iomraidhean Croise

Matiu 16:17

Jizọs pagharam, <

Matiu 20:9

<

Ibi Oku Ma Mak Anị Gịẹ Ḅara 16:16

Mininiḅọ gonyẹ́ gonyẹ́ sị pịghị mingi sara, dụaḅọ́rọ́ma nyánábẹm mininighaḅọ nnị n gulugulumabẹm,

Ibi Oku Ma Luk Anị Gịẹ Ḅara 7:50

Kụ́ma Jizọs dugho ọ́rụ́ḅọ ma pịrịm ḅẹẹ, <<Ị́yẹ́ minini i ḅọ́rọ́mamam; diin na soo.>>

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Ibi Oku Ma Jọn Anị Gịẹ Ḅara 4:10

Jizọs a pagharam, <>

Ibi Oku Ma Jọn Anị Gịẹ Ḅara 5:24

<

Ibi Oku Ma Jọn Anị Gịẹ Ḅara 6:35

Jizọs warị anịsáa dugho nnị pịrịbẹ, <<Ịrị anịị duma fịtúrú ma. I damaḅoo ḅọ jẹ́ éné jẹ́ éné ḅuru n ḅo ḅábịgha, pịghị i ḅụ mininiḅọ gonyẹ́ gonyẹ́ jẹ́ éné jẹ́ éné n ḅọ pụghọ sámụ́nọbịgha.

Ibi Oku Ma Jọn Anị Gịẹ Ḅara 6:37

I Daá ma pa i pịrịnyẹ gonyẹ́ gonyẹ́ i dámáḅobẹm, i damaḅo ḅọ gonyẹ́ gonyẹ́ a pịghị jẹ́ éné jẹ́ éné n ḅo deebịgha.

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Ibi Oku Ma Jọn Anị Gịẹ Ḅara 6:44

<

Ibi Oku Ma Jọn Anị Gịẹ Ḅara 6:65

Jizọs warị ẹ́gẹ́rẹ́ ma ḅarị, ḅẹẹ, <>

Fịrị Ḅara 13:39

O nimibẹm ḅẹ́ ọ ḅụ mininiḅọ gonyẹ́ gonyẹ́ nnị n ḅo duaḅọ́rọ́mabẹm n ḅọ sii ḅụ, Mosis ologho ḅụ nnị ine nyánaḅogha dụaḅọ́rọ́ma.

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:11

Ọkọ fịnịgha, anịma karakáragha, wa mininim ḅẹ́ wa dụaḅọ́rọ́ma nyánábẹm wámịna Nyánáḅọ Jizọs Krais tọ́rụ́kụrụkụ́rụ́ ḅụ ḅọ́rọ́, nnị sọ pịghị anị gbẹ́rẹ́ ḅara ma dụaḅọ́rọ́ma nyáná bẹ ḅara.>>

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 16:31

Nnị ọ pagharam, <>

Romapụ 10:14

Nnị tọ́rọ́ pa na nnị ḅụ mininighaḅọ ma sị bẹ? Nnị pịghị tọrọ́ pa na nnị o gbolomanyẹ naaghaḅọ ma ḅụ minini bẹ? Nnị pịghị tọ́rọ́ pa náa bẹ ḅọ́rọ́ kị́nị́ oku ma dugho wásáma nnị pịrịgha?

Romapụ 10:17

Anịgo, minini ḅo ḅom oku ma náa ḅụ, oku ma ḅo ḅom Krais gboloma oku ma dugho wásáma ḅụ.

Romapụ 4:16

Mịma go mini pịrịnyẹ́ ma minini ḅụ saghịḅom, túminị́ árị bẹ ḅara ḅẹ́ mini pịrịnyẹ́ ma anịị Tamuno ḅara saghị ḅo diepịrịnyẹ, ọmịnị pa Ebraham furobie págháḅoapụ mamgba pịrịm, ólóghó ma kokoapụ ngéréghaa, kụ́ma Ebraham minini ḅara pa mininiapụ. Tegó Ebraham anịị wamịnị kị́nị́mamgba daa.

Romapụ 4:5

Fịrịnwangịghaḅọ ma, kụ́ma Tamuno ma ḅụ tẹ́mẹ́ gbánáḅọ, siiamịẹnyẹ ḅọ mịẹsị n ḅọ ḅẹ́rẹ́ ḅarasighaḅọ sọọ, anị tumḅọ ma nnị ori ákịm sọ́ḅọ́rọ́ karakárá ibiamịẹnyẹḅọ ori minini ḅụ ḅọ́rọ́.

Romapụ 9:16

Anịma go, nyẹ gonyẹ́ gonyẹ́ fịnị ḅara, tumḅọ dọghụ ḅáragha anịgha mịẹḅara, kụ́ma Tamuno ma lolomakúkúbie ngéré.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 3:22

Tọ́ndiri ma dughom ḅẹ́ tuminikiri gbọrụ sii kụ́rọ ma sughubie imi; anịgo n mini wa pịrị dienyẹ ma wámịna minini Jizọs Krais ḅụ ḅọ́rọ́, mininiapụ ma ngéré anịị nnị pa pịrịapụ.

Ẹ́fịsọsapụ 1:19

pịghị ori kụ́rọ, anị opuma dụḅa láa ḅara fịrịnwangịarị nyẹ wamịnị mininiapụ ma duma bie. Mị kụ́rọ ma na wámịna ḅụ fịrịnwangịarị nyẹ anịị pịghị anị gbẹ́rẹ́ opu ịnyọ ma,

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 2:5

wa fịịfama sáá wámịna siiamịẹnyẹ gosi ọ duma pa wa pịrịm ọ Krais saghịma sáá fịị ḅụ. Tamuno tọ́rụ́kụrụkụ́rụ́ ḅụ ngéré anịị wa mịị ḅọ́rọ́ma ma nyánáḅo nyẹẹ.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

Kolosiapụ 2:12

Ọ mingi sara sáá nnị ọmịnị na Krais dipi gbolomam, mingi sara ḅụ n pịghị ọmịnị na Krais saghịmam, ọmịna minini Tamuno kụ́rọ ma ḅụ, fịị bie ọ sághịma ḅọ.

2 Tẹsalonaikaapụ 1:9

Gbámásó guluguluma fomḅara anịị nnị árị bẹnyẹ, nnị n foofomabẹm Kị́nị́nyánáḅọ ma tórúku na pịghị ori ḅụ́gbérépuma kụ́rọ ḅụ.

Hiburuapụ 6:4

Nnị tọ́rọ́pa ọḅụ pa nna minini gbiapụ akuoo bẹ, sị n sima nna sii ḅụ pịghị? Gbẹ́rẹ́sa biri n Tamuno baá ma ḅụ imi n ḅẹ́lẹ pa sobie dienyẹ ma lámámam pịghị nna diekiri akịm Tọ́ntọ́ ibitẹ́mẹ́ ma ḅụ.

1 Pita 1:5

Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.