Ẹ́fịsọsapụ 2:2 - Ibani New Testament

² Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 2:2 Iomraidhean Croise

Matiu 11:19

Tumḅọ yii Tụwọ ma ḅom nyẹ́fịarị, nyẹ́ḅụarị, n warị pịghị ḅẹẹ, Kụ́ma Tamuno níminyẹ anị ḅụ diem ḅẹ́ anị karakáram anị nwángịarị fịrị gosi.>>

Matiu 13:22

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Matiu 13:38

Duakiri ma anịị tuminikiri ma, ibi sịmgbọ́lụ ma anịị ásẹ́mẹ́kiri ma awọ, owi osuka ma anịị sii tumḅọ ma awọ,

Ibi Oku Ma Mak Anị Gịẹ Ḅara 4:19

kụ́ma tuminikiri ḅụḅáláḅálá na ngọ ḅẹlẹma na pịghị pụghọ tarịarị tọ́rụ́kịrịkị́rị́ nyẹ ḅo oku ma pụ́nụ́mam anịgosi anị mgbọ́lụ suagha.

Ibi Oku Ma Luk Anị Gịẹ Ḅara 16:8

<

Ibi Oku Ma Luk Anị Gịẹ Ḅara 22:31

Anịsáa Jizọs warị Pita ḅẹ́, <

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Ibi Oku Ma Jọn Anị Gịẹ Ḅara 13:2

Jizọs na ori ọḅụduaapụ ḅupiri fị́nyẹ kiri ḅụ imi, ẹ́kpẹ́dua ma pịghị Judas, Saimọn Isịkarọtị tụwọ timi saghịmam ḅẹ́ ọ Jizọs dẹrịfị.

Ibi Oku Ma Jọn Anị Gịẹ Ḅara 13:27

Judas fịtúrú ma daakị gbẹ́rẹ́kiri, Satanị ori oju bie sọm. Jizọs warị ọ ḅẹẹ, <<Ị mịẹ dọghụnyẹ ma álála anị mịẹ.>>

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 15:19

Ọ mịnị ḅọ́rọ́ tuminikiriapụ ma ḅụ gbẹ́rẹ́ḅọ, nnị ọ ḅẹ́lẹ́mabẹm nna ḅụ ḅọ ḅara. Anị fịnị ḅara ọmịnị tuminikiri ma ḅụ gbẹ́rẹ́apụgha, kụ́ma tuminikiri ma bie a o sẹ́lẹ́akị pághámá ḅom. Anịị tuminikiri ma go ọ tarịgha nyẹ.

Ibi Oku Ma Jọn Anị Gịẹ Ḅara 16:11

pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.

Ibi Oku Ma Jọn Anị Gịẹ Ḅara 7:7

Tuminikiriapụ ma ine ọ tarịghaapụ sọbịgha, kụ́ma nnị i tarịgha tegó a dugho págháma n pịrịarị ḅẹẹ nnị mịẹarịnyẹ ma siinyẹ.

Ibi Oku Ma Jọn Anị Gịẹ Ḅara 8:23

Jizọs pa ẹ́gẹ́rẹ́arị, <<Ọmịnị sughubie saghịḅom; irị ọ́gọ́nọ a saghịḅom. Ọmịnị anịị tuminikiri bẹapụ; irị mị tuminikiri bẹ ḅọgha.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Fịrị Ḅara 19:35

Kunemaá, ámá ma diri gịẹḅọ diin akuom nna bie ḅẹẹ, <> Ọ kọkọ nimi ḅẹ́ Ẹ́fịsọs opu ama ma anịị opu Atemas oru warị ma kúruarịapụ, na pịghị anị tọ́ntọ́ dapịrị sobie saghị sóghóóró kórónyẹ.

Fịrị Ḅara 5:3

Pita warị ọ ḅẹẹ, <

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

1 Kọrịntịapụ 5:10

A Tamuno nímighaapụ ḅẹẹgha ḅẹ́ nnị yáakuu ḅụ ofori nwángị kọọarị anịgha oputọ́rụ́apụ nyáná anịgha fúrúapụ anịgha n kárányẹ tẹ́ghẹ̄arịapụ. Ọ ḅọ́rọ́ mịná túminị́ ma ḅụ ḅụ sighima bẹ mḅẹ́ḅẹ́, mịma ọ gbẹ́rẹ́ sáá mị tuminikiri ma wárịsóbẹm.

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Ẹ́fịsọsapụ 1:21

Sobie ma ḅụ Krais pa táarị kụ́rọ táarịapụ na sịbịdaapụ na kụrọnyanáapụ mamgba kụ́rọ nẹngịm sotọ́rụ ma ḅụ Krais ẹ́rẹ́ nyánam kụ́rọḅa pịghị ẹ́rẹ́ mamgba nẹ́ngị ẹ́rẹ́, mị tuminikiri na pịghị ḅo ḅẹnyẹ.

Ẹ́fịsọsapụ 2:11

Ọmịnị Juughaapụ nnị o yii sa, o biekóróma ọ fịnị ḅara, ḅọ́rọ́maa sáá, Juuapụ ma <> pa ọ sim, warị tọ́ngọ̄ pẹ́lẹ́apụ pa nna ḅụ siiapụ (mịma anị túminị́ nna oju pa mịẹarịnyẹ).

Ẹ́fịsọsapụ 2:13

Kuma mị́sa, ọmịnị Krais Jizọs na gbẹ́rẹ́nyẹ mịẹ ḅụ ọmịnị parị ḅọlọ angaá fịnịapụ nnị ọmịnị akuoo kikiamamam Krais ọmbịnyẹ́ ḅụ ḅọ́rọ́.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Ẹ́fịsọsapụ 5:6

Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ.

Ẹ́fịsọsapụ 5:8

Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Kolosiapụ 1:21

Gbẹ́rẹ́sa biri ọmịnị Tamuno bie ḅọlọanga ḅụ imi pịghị ori iruonaapụ ọmịna tẹ́mẹ́bie ọkọarị sịị duma gosi.

2 Timoti 4:10

Demas mị tuminikiri ma ḅẹ́lẹ́mam gosi ori i kọ́rọ́ma soó Tẹ́salonaika múm. Kresensi soó Galesia múm, Taitọs warị Dalimasia muu.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Jems 1:7

Anị tumḅọ ma n ḅọ sị ma ḅẹ́ n ḅọ gbẹ́rẹ́nyẹ sọ nyánáḅobẹm Kị́nị́nyánáḅọ ḅara.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

1 Pita 4:3

Ọ tọgha sa ngumamam ḅọ́rọ́maa sa, ọ Tamuno nímighaapụ ma dua n mịẹarịnyẹ mịẹ sa, ọmịnị ọmịna duma famam, ḅụ ọlọgha ámánwángị, kuraghaa nyẹ pụghọ tarị, iru ḅụ tọ́rụ́ḅáma, fị na ḅụ bieḅẹlẹ, iru ḅụ ti kóróma, pịghị oḅori pa kị́nị́ sị, opuma ḅụ pa n kara tamuno tẹ́ghẹ̄ pịrị.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.

1 Jọn 3:10

Mịị wa ḅọ́rọ́ Tamuno awọ na ẹ́kpẹ́dua awọ nimi bẹ ḅara: karakárányẹ ma mịẹghaapụ anịgha jẹ́apụ ḅẹ́lẹ́maghaapụ, nnị Tamuno awọgha.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

1 Jọn 5:4

ḅẹ́ Tamuno tụwọ sọmáaḅọ gonyẹ́ gonyẹ́ tuminikiri ma sọḅasọḅam. Wámịna minini anị mịẹsị wamịnị ine tuminikiri ma sọḅaarị nyẹ.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:14

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 16:17

Anịsáa sọ́nọ́ma kárámá sookumuḅọ ma warị ori bọlị ọ́sụ́sara fọ́rụ ma bie. Opu pụghọ Tamunoopuwarị ma bie fịnị imine ḅụ sághị fiem dughoarị nyẹ ḅẹẹ, <>

Puu Findi 20:2

Ọ ḅụọ nyáná ódódó ma kuum, olom sáá ódódó ma anị́ị́ ẹ́kpẹ́dua ma anịgha Satanị. Warị ịkóli suanyẹ pa o sua, kụ́rá mmẹẹ́ a ndẹ́ẹ oyia si findi.