Ẹ́fịsọsapụ 2:16 - Ibani New Testament

¹⁶ Ori fịị ma mgbẹsẹ sị́ ọgọnọ Krais nna ogboku fịnị tarịgha ma kaasim, mgbẹsẹ sị́ ma ḅụ ḅọ́rọ́ ori mmẹẹ́ túminị́ ọrụ ma pa gbẹ́rẹ́ oju mịẹm sị pịghịma nna akuoo Tamuno pịrị.

Ẹ́fịsọsapụ 2:16 Iomraidhean Croise

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Romapụ 8:7

Anịgo túminị́ ḅo Tamuno iruonaapụ sọm nna ojumẹnị ḅẹrẹtọ n pịrịarị sa; mịnaapụ ma Tamuno ólóghó ma kokogha, n pịghị ine anị kokobịgha.

1 Kọrịntịapụ 10:17

Gbẹ́rẹ́ fịtúrú kpo ma imi gosi, wamịnị kị́nị́mamgba karakárányẹ ḅẹẹ wa dụḅam wamịnị gbẹ́rẹ́ oju, wamịnị kị́nị́mamgba gbẹ́rẹ́ fịtúrú ma diem.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 2:15

O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Kolosiapụ 2:14

Diri bie n gịẹ wámịna sịbị gbánā ologho ma na ologho ma bii nyẹ káakọsima wamịnị na fiagha nyẹ, pịghị asọ mgbẹsẹ wa pịrịnyẹ, ori anị saghị siim, anị ḅaupálị mgbẹsẹ sị́ ọgọnọ.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.