Ẹ́fịsọsapụ 1:6 - Ibani New Testament

⁶ O ḅo wa Tamuno túminí ori ḅụ́gbérépuma tọ́rụ́kụrụkụ́rụ́ ḅụ ọ pa wa pịrịnyẹ ọ ḅẹlẹma Tụ́wọ ḅụ ḅọ́rọ́, wámịna ḅara nyẹ́ bigha ḅụ.

Ẹ́fịsọsapụ 1:6 Iomraidhean Croise

Matiu 17:5

Ọ pa ẹ́gẹ́rẹ́ ma kọarị sáá, fíafía oḅuto mgbeakịm, gbẹ́rẹ́ pụghọ warị oḅuto ma ḅụ saghị koro ḅẹẹ, <>

Matiu 20:9

<

Matiu 3:17

Pụghọ warị sobie saghị ẹ́gẹ́rẹ́ ḅẹẹ, <>

Ibi Oku Ma Luk Anị Gịẹ Ḅara 2:14

<>

Ibi Oku Ma Jọn Anị Gịẹ Ḅara 10:17

I Daa ma go i ḅẹlẹma nyẹ anịị a ị́yẹ́ duma saghị kórómam sị a pịghị ine anị saghị akị bẹ ḅara.

Ibi Oku Ma Jọn Anị Gịẹ Ḅara 3:35

Daḅọ ma Tụ́wọ ma ḅẹ́lẹ́mam sị pịghị nyẹ gonyẹ́ gonyẹ́ pa o ḅárabie suamam.

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

2 Kọrịntịapụ 4:15

Mịị mamgba ọ ọmịna sịbị go, sị Tamuno tọ́rụ́kụrụkụ́rụ́ mú tọgha tọghaapụ la sa, nnị tọgha tẹ́ghẹ̄ ịmịẹḅam pa Tamuno ḅẹbẹm ọrẹ ipine ḅụ.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Ẹ́fịsọsapụ 1:12

Anịsáa, wamịnị parị Krais ḅụ tọ́rụ́dighiapụ Tamuno ipine túminị́.

Ẹ́fịsọsapụ 1:14

Wa Tamuno Tẹ́mẹ́ nyánam gosi, wa tẹ́mẹ́kụ́rọ nyánam ḅẹẹ Tamuno mini ori a túminị́ pịrịnyẹ wa nyánáḅobẹm. Tamuno bi káara dụaḅọ́rọ́ma pa ori a túminị́ pịrịbẹm. O ḅo wa ori ipine túminí.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

Filipaiapụ 4:19

I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.

Kolosiapụ 1:13

Ọ wa duapághámaḅomam kánákáná kụ́rọ ma ḅarabie sị wamịnị akuoo pa ọ ḅẹlẹma Tụwọ ma kọnsịn amadakiri bie sua.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.