Ẹ́fịsọsapụ 1:4 - Ibani New Testament

⁴ Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 1:4 Iomraidhean Croise

Matiu 24:22

Nnị ḅọ́rọ́ tọ́rụ́siarị sáá ma gbulumagha gbẹ́rẹ́ḅọ sọ dumabịgha, kụ́ma Tamuno anị gbulumabẹm ọ sẹlẹakịapụ ma gosi.

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 24:31

Ori opuma fiearị ọdụ pa ori sookumuapụ na fịrịmabẹm, sị nnị ori n sẹlẹakịapụ ma kubiri tuminikiri ínia ọkọlọbị ḅụ, so ma kunema gbẹ́rẹ́ ngaa akị mú jẹ́ láa.

Matiu 25:34

<

Ibi Oku Ma Jọn Anị Gịẹ Ḅara 10:16

A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 17:24

<

Fịrị Ḅara 13:48

Juughaapụ ma mịma náa sáá, nnị bieḅẹlẹm, nnị warị Kị́nị́nyánáḅọ ma ẹ́gẹ́rẹ́ túminí anịgo nnị tọghaapụ ḅẹ́ nnị duma gbámásó nyáná ḅo mininim.

Fịrị Ḅara 15:18

Anịị Kị́nị́nyánáḅọ dugho ḅara, mịnanyẹ ma mịẹsị wa nimiḅo ḅọlọmaa sa éné éné.> >>

Fịrị Ḅara 18:10

A ị nana imi, gbẹ́rẹ́ḅọ sọ ine nyẹ́ pa ị lámábịgha, ḅẹ́ a tọgha túminị́ nyanam mịị ámá bie.>>

Romapụ 8:33

Tụọ ḅẹ́rẹ́ pa Tamuno sẹlẹakịapụ ma sịbị gbánā bẹ? Tamuno anị ḅẹ́arịḅọ, ḅẹ́rẹ́ nna ḅárasigha!

1 Kọrịntịapụ 1:8

Ọ pịghị́ ọ mịẹbẹm bịpị ọ ḅụ laagha mú kunema láa, wámịna Nyánáḅọ Jizọs Krais pịghịma ḅo bẹ éné.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 5:27

Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo.

Filipaiapụ 2:15

Si fu ọ ḅụ labịgha ḅara pịghị fíafía Tamuno kpain awọ, n dama n dama na siiamịẹnyẹapụ tuminikiri bie ngaapụ. Nna bie o lolia sobie bia ḅara pa biabẹm.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.