Ẹ́fịsọsapụ 1:3 - Ibani New Testament

³ O ḅoo wa túminí pa Tamuno Wányánáḅọ Jizọs Krais Daḅọ pịrị, tẹ́mẹ́ karịiḅi mamgba pa wa karịibimaḅọ sobie ju tegó wamịnị Kraisapụ.

Ẹ́fịsọsapụ 1:3 Iomraidhean Croise

Ibi Oku Ma Luk Anị Gịẹ Ḅara 2:28

Simion tụwọ ma dighiakịm ọ ḅarabie sị ịmịẹḅam pa Tamuno ḅẹẹ:

Ibi Oku Ma Jọn Anị Gịẹ Ḅara 14:20

Anị éné ma ḅụ onimiḅobẹm ḅẹẹ a i Daá ma bie imi, ọmịnị ma ibie imi, ịrị ma pịghị ọmịna bie imim.

Ibi Oku Ma Jọn Anị Gịẹ Ḅara 17:21

Daa mịẹsị nnị kị́nị́mamgba gbẹ́rẹ́ ḅụ ḅụ fịnị, ịrị ibie fịnị ḅara, ịrị ma sọ ibie fịnị ḅara. Mịẹsị nnị wa bie fịnị, sị tuminikiri ma minini bẹ ḅara ḅẹ́ ịrị i fịrịmam.

Ibi Oku Ma Jọn Anị Gịẹ Ḅara 20:17

Jizọs a ḅẹm, <<Ị́yẹ́ ọlọsẹma ma, na a ị Daa fịnị angaá laagha. Anịmanakaragha muu dugho ị́yẹ́ amịna owiapụ pịrị ḅẹẹ, >>

Romapụ 12:5

Anị gbẹ́rẹ́ ḅara ma, karakárányẹ ḅẹẹ, wamịnị mánámánáapụ, kụ́ma wamịnị gbẹ́rẹ́ ḅụ ḅụ imii Krais bie, wa jụghọ jụghọ na ḅolom, gbẹ́rẹ́ oju ma mụmbụ mụmbụ ḅụ.

Romapụ 15:6

sị ọmịnị ine gbẹ́rẹ́ tẹ́mẹ́bie na gbẹ́rẹ́ pụghọ pa Tamuno ma túminị́, wámịna Nyánáḅọ Jizọs Krais Daá ma.

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 12:12

Nganga ma gbẹ́rẹ́ oju ḅara ma kụ́ma nganga nyánam, ḅẹ́ oju mamgba karakárányẹ ḅẹ́ n dụḅam nnị pa gbẹ́rẹ́ oju ma, anịị Krais sọ fịnị ḅara.

2 Kọrịntịapụ 1:3

Túminí fịnị Tamuno ma pịrịị na pịghị wámịna Nyánáḅọ Jizọs Krais Daḅọ, lolomakúkúbie nyáná Daḅọ, biedịịnma mamgba sághị ḅara ḅoarị Tamuno,

2 Kọrịntịapụ 11:31

Wámịna nyánáḅọ Jizọs Krais Daa, pịghị ọ Tamuno, n túminí bẹḅọ ákị mú ḅẹsá ḅẹsá la, nimim ḅẹẹ a epeletigha.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 3:9

Anịgo wamịnị arịm ḅẹẹ, minini nyánáapụ gonyẹ́ gonyẹ́ karịibima nyánábẹm nnị Ebraham karịibima ḅara ori minini gosi.

Ẹ́fịsọsapụ 1:10

Mịị anị ọ tọ́nyẹ ma ọ mịẹ kárámá bẹnyẹ sáá ma la sáá, ori ọ tẹ́mẹ́nyẹ gonyẹ́ gonyẹ́ tuminikiri na sobie akuoo gbolomabẹm sị Krais nna ḅụ sịbịdaa.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 1:20

o pa fịị ḅụ Krais saghị nyẹ, si ọ kpọ́rọ́fịnịma ori amaḅara angaá sobieibiama.

Ẹ́fịsọsapụ 2:6

Tamuno wamịnị na Krais saghịmam sị pịghị mịẹsị wamịnị na ọ nana kpọrọfịnị sị taa sobie angaá Krais Jizọs bie.

Ẹ́fịsọsapụ 3:10

Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Filipaiapụ 2:11

kị́nị́mamgba warị dugho wásámabẹm ḅẹ́ Jizọs Krais ori anịị Kị́nị́nyánáḅọ ma, sị pa Tamuno Daḅọ ma boma.

Hiburuapụ 8:5

Nnị nwángịarị fịrị agbamieapụ ḅara, anị dada sobie fịnịnyẹ ma fịnị ḅara fịnịgha kụ́ma anị anịị kịkam. Anị n go Mosis birinụ́nụ́nyẹ ọ tọ́ntọ́ tẹ́ghẹ̄ wárị ma nama dọghụ sáá ḅẹ́ ori, <>

Hiburuapụ 9:23

Mịnanyẹ ma, sobie fịnị karakárá nyẹ́ ma kịkanyẹ ma, ibibẹm ḅẹẹ nnị ọkọfịnị anị gbẹ́rẹ́ ḅara ma igwaa pa anị mịẹ fiafiama, kụ́ma sobie nyẹ ma ibiḅaa igwaa bim.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,