Ẹ́fịsọsapụ 1:11 - Ibani New Testament

¹¹ Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 1:11 Iomraidhean Croise

Fịrị Ḅara 13:48

Juughaapụ ma mịma náa sáá, nnị bieḅẹlẹm, nnị warị Kị́nị́nyánáḅọ ma ẹ́gẹ́rẹ́ túminí anịgo nnị tọghaapụ ḅẹ́ nnị duma gbámásó nyáná ḅo mininim.

Fịrị Ḅara 2:23

Tamuno ọrẹ nyẹ pa ọrụtọ ḅụ, tọ́ḅọ́rọ́mamám ḅẹẹ n Jizọs ḅọ́rọ́ma ọ́ ḅárábie suabẹm sị, siiapụ wárịso sị nnị ọ ḅaupálị.

Fịrị Ḅara 20:27

Tegó a pa ọ ḅọghuma nyẹ ofori Tamuno dọghụnyẹ mangba sị o nimii.

Fịrị Ḅara 20:32

<

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Fịrị Ḅara 4:28

Nnị kobirim ḅẹẹ nnị nyẹ gonyẹ́ gonyẹ́ mịẹ, Ịrị ị́yẹ́ kụ́rọ ḅụ tọ́ọ ḅọ́rọ́ma maá nyẹ ḅẹẹ anị mịẹ.

Romapụ 11:34

Nnị gịẹ kóróma ḅara Tọ́ndiri ma bie: <

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Romapụ 8:28

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

Romapụ 8:30

Anịgo Tamuno fófóoma wárịapụ, ori na nnị na ọ pịghị ori ipine ma pa n ḅụ sarám.

Romapụ 9:11

Kụ́ma mmẹẹ́ awọ ma na kiri laagha sáá ḅụ anịgha ḅẹnyẹ ḅẹnyẹ mịẹ ibinyẹ anịgha siinyẹ mịẹ, a warị Tamuno ḅara oku nyánáḅọ. Mịị oku ma diearị ḅẹ́ Tamuno túminị́ sẹlẹakiarị, ori tọ warị ḅara ḅụ;

Galesiaapụ 3:18

Ḅọ́rọ́ ḅẹ́ Tamuno dienyẹ ma ólóghó ma ḅụ gbánam, anịsáa anị mịnị o mini nyẹ ḅụ gbánāgha. Kụ́ma Tamuno ọrẹ tọ́rụ́kụrụkụ́rụ́ gosi mini nyẹ ori anị pa Ebraham pịrịm.

Ẹ́fịsọsapụ 1:14

Wa Tamuno Tẹ́mẹ́ nyánam gosi, wa tẹ́mẹ́kụ́rọ nyánam ḅẹẹ Tamuno mini ori a túminị́ pịrịnyẹ wa nyánáḅobẹm. Tamuno bi káara dụaḅọ́rọ́ma pa ori a túminị́ pịrịbẹm. O ḅo wa ori ipine túminí.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 1:5

Tamuno tarị dugho wárịmam ḅẹẹ ọ wa pa ori angaá awọ mịẹbẹm Krais Jizọs ḅụ ḅọ́rọ́, mịị ọ ḅẹlẹma nyẹ pịghị dọghụnyẹ.

Ẹ́fịsọsapụ 1:8

Ọ pa wa ḅụ sara nyẹ bifụfụ ḅara ḅụ! Ori níminyẹ na ori akanyaḅo ḅụ,

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

Ẹ́fịsọsapụ 3:11

Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 3:24

O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 6:17

Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:4

anịma gosi, wa nimim ḅẹ́ Tamuno kóróma warị ori a túminị́ pịrị dumafịnị tọ́rụdighinyẹ ma wámịnị anị nyánáḅobẹm. Ọ pa warị ọ́ pịrịm sobie, n ḅụrụbịghaa angaá anịgha síí, anịgha sịghịrị faá.

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.