2 Timoti 4:5 - Ibani New Testament

⁵ Kụ́ma, ịrị ịḅụ pa gbẹ́rẹ́ ngaa sẹ́ma warị asọ gonyẹ́ gonyẹ́ ḅụ, inema nyána tọ́rụ́siarị pịrị, ibi oku ma dugho wásámaarị ḅo fịrị ma nwángịị, pịghị ị́yẹ́ fịrị gonyẹ́ gonyẹ́ nwángịị Tamuno ómóniḅọ ḅara.

2 Timoti 4:5 Iomraidhean Croise

Matiu 25:16

Sọ́nọ́a igbii akpa nyáná ḅo owitụ́wọ ma muu anị gbẹ́rẹ́kiri igbii ma pa tụ́ḅokọm sị jẹ́ sọ́nọ́ a akpa nyánáḅoo.

Ibi Oku Ma Mak Anị Gịẹ Ḅara 13:34

Anị fịnị bẹ ḅara anịị warị wáriso sị nyẹ muu owitụ́wọ sị wárị kóróma ori ómóniapụ pịrị, anịị ọ fịrị pa ọ́rụ́ḅọ ọ́rụ́ḅọ pịrị so máare, n ḅọ mịẹbẹnyẹ, pịghị ḅụ́pọ́ kuruḅọ ma ḅẹẹ ọ ḅụ́pọ́ kuruu.

Ibi Oku Ma Mak Anị Gịẹ Ḅara 13:37

A dugho ọ pịrịnyẹ, anịsáa a dugho kị́nị́mamgba pịrịm, ọ tọ́rụ findi si kuruu!>>

Ibi Oku Ma Luk Anị Gịẹ Ḅara 12:37

Anị ibi anị ómóniapụ ma pịrịbẹm ḅẹẹ nna nyánáḅọ ḅo sáá ori nnị árịbẹm ḅẹẹ, nnị ḅụ karakáráma o kuruarị. A karakárányẹ dugho ọ́ pịrịarị nna nyánáḅọ ma ọḅụ dimabẹm, n mịẹsị nnị nyẹ́fị ịkasị ọ́gọ́nọ kpọrọfịnị si ọ fị́nyẹ pa n pịrị.

Fịrị Ḅara 21:8

Anị ḅụ éné ḅáa, wa suapághám sị ḅo Sizariya láa. Anị angaá Filipụ Tamuno ẹ́gẹ́rẹ́ dugho wásáma ḅo wárị, anịị wa fịnịnyẹ, Jerusalem ḅụ nnị sẹlẹakị sọ́nọ́ma ḅárásúapụ ma ḅụ gbẹ́rẹ́ḅọ.

Romapụ 15:19

kụ́rọ ilíghíma na ḅụ́gbérépuma fịrị, Tọ́ntọ́ Tẹ́mẹ́ ma kụ́rọ ḅụ ḅọ́rọ́. Jerusalem ákị mú Ilirikum párángáa mamgba láa, a bii ḅara pa Krais ma ibi oku ma dugho wásámāmam.

Ẹ́fịsọsapụ 4:11

Ori anị <> jẹ́apụ ori nnị tọọm ḅẹ́ nnị nfịrịmaapụ sọ; jẹ́apụ ikiakoroapụ, jẹ́apụ ibi oku ma dugho wásámáarịapụ jẹ́apụ Tamuno kubiri ogbo sịbịdaapụ na pịghị nyẹ́dieapụ.

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Kolosiapụ 1:25

A ḅoo Tamuno kubiri ogbo ma fịrịnwangịḅọ sọmam Tamuno pa i fịrịma fịrị gosi ḅẹẹ a bii ḅara pa ori ẹ́gẹ́rẹ́ ma pa ọ pịrịị.

Kolosiapụ 4:17

Dugho Akipọs pịrị, <<Árị ḅẹẹ Kị́nị́nyánáḅọ ḅara ị daaḅọ fịrị ma ị́rị anị nwángị kárámam.>>

1 Tẹsalonaikaapụ 5:6

Anịgo wamịnị isiapụ múnoarị ḅara pa mụ́nobịgha; wa múno ḅụ saghịbẹm sị pịghị ḅụ ọlọ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 4:15

Mịnanyẹ ma pa fịrị ḅụ sua; ịḅụ pa gbẹ́rẹ́ sáá anị bie suu, sị kị́nị́mamgba ị́yẹ́ bịpị muu árị bẹ ḅara.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

2 Timoti 2:3

Krais Jizọs ibi ọmụ́gbiiḅọ ḅara, wamịnị na wamịnị árịarị tọ́rụ́siarị ma arịị.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.

Hiburuapụ 13:17

Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

Puu Findi 3:2

Saghị sẹ! Ịnyọ pa kọnyẹ́ ma ḅụ sua anị fịịfamabịgha ḅara. Ḅẹẹ a arịḅom ḅẹ́ ọ nwángịmáa fịrị ma na káaragha ị Tamuno tórúku.