Ḅuru ḅara ma, o ḅuru pa jụghọ jụghọ ḅáma ma, ḅọ́rọ́ ọmịnị mmẹapụ mininigha ḅẹẹ mịẹ kálá sáátụọ ḅụ ọ fofoobẹm sị ọmịnị sáá ngúmá sị ine tẹ́ghẹ̄ anịsáa ma ḅọ́rọ́maẹrẹ ọ sághị deeḅọ na táaḅọ fịrịnwangị. Mị ḅara ma Satanị ọ dadighibịgha ḅara ọmịnị ine ḅụ ọlọgha gosi.
Anị gbẹ́rẹ́ ḅara ma dugho sẹnị ẹ́rẹ́ámáapụ ma pịrị ḅẹ́ nnị nna ḅụ pa tọ́ntọ́ ḅụ warị ẹ́rẹ́ámáapụ duma kọọ na ibiḅara, n kị́nị́ dughosima ma anịgha omoni sọ iru pịrị kụ́ma nnị ibi nyẹ pa jẹ́apụ die.
Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.
Nnị ḅara na ḅụ nyáná mini mịná túminị́ ma pịrịm, kụ́ma nnị omoni so kị́nị́ḅáa duma pịrịm. Ine tumḅọ sọ́ḅányẹ gonyẹ́ gonyẹ́ anị ḅo omoni sọ anị nyẹ ma pịrịm.
Parị nyẹ, a bim ọ kanyaḅo ḅẹ́ kunema sa ma ḅụ, jẹ́apụ págháḅobẹm nna duma bie n dighi nwangịarịnyẹ anịị nna ojumẹnị tárịnyẹ gonyẹ́ gonyẹ́ n pịghị ọ kombobẹm.
Mịná túminị́ ma sáá mamgba nnị gụ́nụ́gụ́nụ́arị ḅẹ́rẹ́ pa jẹ́apụ sịbị sẹ, nnị nna ojumẹnị biiarị siinyẹ duaarị, nnị opuamịẹnyẹ mịẹarị sị jẹ́apụ gbolomanyẹ ḅụ ibi bịpịfie sị n binyẹ n ḅara la bẹ ḅara.
Nnị mmẹẹ́ kárámá ḅáláfama nama ma warisom sị anị duma ịnyọ pa n tẹ́mẹ́ warị parị ḅáláfama nama ma pịrị sị anị ine ẹ́gẹ́rẹm sị pịghị mini susi anị pịrịghaapụ mamgba ḅá.
Mịị ilíghíma ma nyánághaḅọ gonyẹ́ gonyẹ́ nnị mini nḅọ pịrịgha nḅọ nyẹ fẹ́ anịgha ine nyẹ dẹ́rị, mịị ilíghíma ma anịị ḅáláfama nama ma ẹrẹ anịgha sẹ anị ẹrẹ ma pịrị kịẹnyẹ.
A pịghị arịm ḅẹẹ ọ́rụ́ḅọ ma a Tamuno túminị́ ma ọmbịnyẹ́ ḅuu tọ́rụ́ḅámam na pịghị n ḅáapụ ma ọmbịnyẹ́ tegó n sẹ́kụrọ Jizọs pịrịm gosi. A árị arịị sáá, anị opuma i tọ́rụ́ bulubulumam.