2 Timoti 3:2 - Ibani New Testament

² Túminị́ nna ḅụ ngéré ḅẹ́lẹ́mabẹm, igbii ḅẹlẹma, bịpịkpọ, opuamịẹnyẹ mịẹ, kị́nị́ wiri, nyingiapụ na daapụ na osigha, nyẹ tọ́rụ́sọgha, tọ́ntọ́ ḅụ ofori,

2 Timoti 3:2 Iomraidhean Croise

Matiu 15:6

anịgo n ḅọ kuu pa amịna daḅọ pịrị naibigha. Mị ḅara ma ọmịnị ọmịna nyẹ mịẹmịẹ ḅara ḅụ ḅọ́rọ́ ọ Tamuno ólóghó ma pa papanyẹ mịẹm.

Ibi Oku Ma Luk Anị Gịẹ Ḅara 12:15

Ọ warị pịghị túminị́ ma ḅẹ́, <<Ọmịnị ọ tọ́rụ findi! Ọmịnị ọ ḅụ ẹbị ngéré fị duma pịrị, tumḅọ duma ma n pa anị mịẹnyẹ tumḅọ nyáná ngọ mamgbagha.>>

Ibi Oku Ma Luk Anị Gịẹ Ḅara 16:14

Farisiiapụ ma mịma náa sáá, n saghị Jizọs kombom nnị igbii ḅẹ́lẹ́mam gosi.

Ibi Oku Ma Luk Anị Gịẹ Ḅara 6:35

Kụ́ma ị́yẹ́ iruonaapụ ḅẹlẹma, ibinyẹ mịẹ n pịrị, igbii pa n ḅọlọ, tọ́rụ́ pa ị́ n ḅarabie nyáná ḅo ḅẹnyẹ dighigha pa. Anịsáa, anịị ọmịnị opu gbẹ́ẹnyẹ nyáná bẹnyẹ ọ pịghị sóghólóḅa Tamuno awọ ma sọọ bẹnyẹ tegó ọ ḅẹlẹma nyáná, nyẹ tọ́rụ́ sọghaapụ ma pịrịm na pịghị sii túminị́ na.

Fịrị Ḅara 5:36

Ọ kọkọ biekóróma ḅọ́rọ́ma ndẹa kụ́rá ḅụ, Tiyudas págháḅom, ḅẹ́ ori ọ́ gbẹ́rẹ́ kụrọ tumḅọ, túminị́ a ndẹ́ẹ pịghị o duam, kụ́ma nnị ọ ḅám, ori ọḅụduaapụ ma so gálágálá, kị́nị́ mịnị anị asọduaapụ ma ọwụ naagha.

Romapụ 11:18

Anịgo nnị ányịmasi sị ḅara ma dighisima ma, ọ ḅọ́rọ́ ọkọ mịẹmịẹ mịma pa biekóróma, ọmịnị kune ma ọlọsẹmagha kụ́ma kune ma anịị ọmịnị ọlọsẹma nyẹ.

2 Kọrịntịapụ 5:15

Ọ fịị kị́nị́mamgba pịrịm, sị dumaapụ mịnị duma nna ḅụ pịrịbịgha, kụ́ma n duma ọ pịrịbẹm, fịị sị pịghị fịị ḅụ saghị ḅo nna sịbị go.

Filipaiapụ 2:21

Ọ́rụ́ḅọ ọ́rụ́ḅọ amịna ḅụ, amịna ḅụ dọghụarị gbẹ́rẹ́ḅọ sọ Jizọs Krais nyẹ doghughaa.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

2 Tẹsalonaikaapụ 2:4

Túminị́ pa tamuno mịẹsị susi pịrịarịnyẹ gonyẹ́ gonyẹ́ o sa nyáná pịrịbịgha mịị tumḅọ oḅu árịbẹm ḅẹ́ ọ dụḅa n nẹ́ngifámam, ọ pịghị Tamunowarị ma sọ́bẹm kpọrọfịnị sị dugho págháma ḅẹẹ ori anị Tamuno.

1 Timoti 1:20

Nna ḅụ jẹ́apụ anịị Himeniyọs na Alegizanda, a Sátanị warisom si ori nnị pa tọ́rụ́siarịmáa; mịma n kikibẹm Tamuno karakáráma na kuragha nyẹ die ḅụ.

1 Timoti 1:9

Wa pịghị nimim ḅẹẹ, Tamuno mịná ólóghó ma suagha karakárá ibiamịẹnyẹapụ gosi, kụ́ma ólóghó kaapụ na kụrọsịbịbẹapụ gosi, ọ sua pa Tamunonimighaapụ na siiamịẹnyẹapụ pịrịm, ọ sua pa tọ́ntọ́ ḅụ fịnịghaapụ na Tamuno gbolomanyẹ dighisimaarịapụ pịrịm, ọ sua pa nyingiapụ na daapụ ḅáapụ pịrịm, ọ pịghị sua pa kị́nị́ ḅa ḅáapụ mamgba pịrịm,

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

1 Timoti 6:4

opuamịẹnyẹ anị n ḅọ sịbị kpórómáarịnyẹ n ḅọ ḅẹnyẹ ḅẹnyẹ nimigha. Nnị kụ́rọ pụghọ nyánam sị nyẹ ḅụ ófórigha nyẹ gosi nyẹ nụná pịghị kam sọọ, mịma warị tẹ́mẹ́ akụ, nụná, wiri núme, si ẹ́rẹ́ pa kị́nị́ sị, sitẹ́mẹ́ biegbáná nyanagha jẹ́apụ ḅụ,

2 Timoti 3:4

aka ḅara pa túminị́ túlúma ḅẹ́rẹ́ ḅụ suu, sịbịbie kiẹgha pa nyẹ mịẹ, nọmụ ḅara pa opuamịẹnyẹ mịẹ, fị na ḅuu na ḅẹlẹma tụ́ma Tamuno ḅẹlẹma nakaragha.

Jems 2:8

Ọ karakárányẹ ma mịẹarị ọ́ ḅọ́rọ́ so amadakiri ólóghó ma kokoarị dughonyẹ mịẹ diri ma bie nnị árịnyẹ, <>

Jems 4:16

Kụ́ma mị́sa ọmịnị opu ibiamịẹnyẹ mịẹarị pịghị bịpịkpọarị, anị bịpịkpọ mamgba karakáragha.

Jems 4:6

Kụ́ma Tamuno nyáná wa pịrị tọ́rụ́kụrụkụ́rụ́ kụrọm anị Tọ́ndiri ma dugho ḅara ḅẹ́, <>

1 Pita 5:5

Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́, Tamuno opuamịẹnyẹapụ ma daá sẹ́ma sẹ́mam kụ́ma ọrẹ ḅẹlẹma pa ḅụ sitérémaapụ ma die.

2 Pita 2:10

Mịnaapụ anị ịlọ́lị si ojumẹnị tarị nyẹ gonyẹ́ gonyẹ́ mịẹarịapụ si Tamuno kụrọ pa nyẹ́sịghaa. Mị iruo nyẹ́dieapụ ma nnị kụrọ tọ́rụ́ nyánam, pịghị kị́nị́ osigha opuamịẹnyẹ nyáná nnị pịghị ḅáláfagha sị sobie opu sịbịdaapụ ma dughosima.

2 Pita 2:12

Kụ́ma, mịná nyẹ́dieapụ ma fịnị ḅara sọ́ḅọ́rọ́ pirinama, kóróma nyánágháapụ. Nnị n yiim ḅẹ́ nnị nku si n ḅáa. Nnị wirinumo pa nnị akanyaḅogha nyẹ wirim. Nnị pirinama ḅáa ḅara pa n ḅáabẹm.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

Judu 1:16

Mịná túminị́ ma sáá mamgba nnị gụ́nụ́gụ́nụ́arị ḅẹ́rẹ́ pa jẹ́apụ sịbị sẹ, nnị nna ojumẹnị biiarị siinyẹ duaarị, nnị opuamịẹnyẹ mịẹarị sị jẹ́apụ gbolomanyẹ ḅụ ibi bịpịfie sị n binyẹ n ḅara la bẹ ḅara.

Puu Findi 13:1

Anịsáa a ḅáláfama nama arịm tọ́rụ́ ma bie sághị iwóo ḅoarị nyẹ. Anị oyia ikpangi nyánam na sọ́nọ́ma sịbị, ikpangi gonyẹ́ gonyẹ́ ḅụ ogunu imii, anị sịbị gonyẹ́ gonyẹ́ ḅụ anị ẹ́rẹ́ nyánam Tamuno dughosimaarị nyẹ.

Puu Findi 16:11

Nnị warị so Tamuno ma dughosima nna ịnọ ma na nna akụụ gosi. Kụ́ma n mini nna sii asọ warisogha.

Puu Findi 16:21

Mgbọ́lụ iti, anị iku kilogram mmẹẹ́ si oyi findi, sobie sághị túminị́ ógọ́nọ sóórókórom. N warị Tamuno dughosima nna ḅụ koroarị mgbọ́lụ iti ma gosi, tegó anịma anịị opuma tọ́rụ́siarị díghíarị ḅụḅáláḅálá.

Puu Findi 16:9

Anị gágá ọfịrị ma n dọghụmam, n warị Tamuno ẹ́rẹ dughosima kụrọ nyáná mịná tọ́rụ́siarị dighiarị ḅụḅáláḅálá ma nẹngịḅọ, kụ́ma n mịnị nna sii ḅụ pịghịgha sị ori opuu ma túmíní.